今日姨丈約我地去釣魚

所以我地一朝早就起身出去

去既地方係流浮山既釣魚場

姨丈話因為我地有成十幾個人

所以到釣魚場會安全D同埋好玩D

我地坐小巴去到   揀好地方坐

姨丈就要開發幫我地整好D釣竿

而我地等緊既期間

就用魚牌釣住先

等左一陣之後

姨丈整好左第一支釣竿

比左佢地地個邊個個親戚政峰

(姨丈佢地係咁叫佢 但係我唔知係咁寫

我以為佢係F.4生  點知後來姨媽話比我聽

佢係F.1生-0-  唉...算啦-___-")

佢一放落去就即刻有魚上釣

太快啦....而且又事出突然...=_=

搞到我地個個都手忙腳亂

但係最後都釣到佢上黎~

之後家姐差係釣到魚

但係因為佢唔識 所以比條魚扯斷左條魚絲....

阿楠又釣到一條

細妹又釣到一條

阿爸就釣到兩條

姨媽又係釣到  但係比條魚扯斷魚絲...

釣到上黎既

最細都有兩斤重  最大個條約有3斤重~@U@

 大概去到3點幾個時

本身好熱好曬既天氣

突然開始有微風  好遠傳黎一D好低音既聲

開頭我地都覺得冇咩野

所以繼續釣魚

過多冇幾耐

天空愈黎愈暗

風愈黎愈大

我地就收起D釣竿

走返入簷篷到避一避

見到釣魚場後面個座山著火

燒左一陣就熄左...

跟住又有兩組入黎避

一組係全男班 佢地係岩岩黎到

就開始落雨

另一組就係一個家庭黎玩

釣左OK耐

我地三組人一齊係簷篷下避雨

風愈吹愈大  雨都愈落愈大

係四面八方吹埋黎

本身熱到令人想跳落水池既天氣

一下子變到好涷

我地開始撐唔住

而且又有一個兩三歲既細路係到

我地就借釣魚場個到既"維他傘"黎擋風雨

不過我地用既方法有D唔同

我地將D"維他傘"打橫放

要成幾個人先擋得住

唔比把傘吹起

個陣我地成班人好似流落荒島

跟住就遇到風暴咁

我地就係咁樣撐左半個鐘

之後開始細雨

好彩有個幾把傘係到

唔係既話就好危險....

經歷左一件好正的事~-U-

完左場風爆之後

我地就決定走LU

其實我唔係好想走嫁

因為我都未釣到魚上黎

之前因為太熱  D魚唔上黎

但係完左場風爆之後

個D人就係咁釣到魚啦....>口<

我地企係到等車等左好耐

終於等到第一架小巴黎

但係坐滿曬人

跟住我地就call的士黎

但係我地等的士黎既時候

又有兩架小巴黎

但係兩次都係有位坐...-0-

唔上得.....-x-

等等等等....

終於等到啦

加埋總共等左大約個半鐘

仲係要企係到  冇得坐....

買左最重個條魚

去左流浮山其中一間餐廳到食

好味~>U<

過左一個好戲劇性的一天~-U-