到左星期一了，

我一路提起哂心口

一路同行既有啊華，啊光，啊琪

一路行，一路傾，然後停左系學校對面既平台

昅住啊兒同啊欣既出現

我地睇住個鐘，終於到左三點了

亦都見到啊兒既出現

我地４個一齊大叫：〔啊兒〕！

啊兒望過黎，之後即刻嚇親

啊兒偷偷地走系我隔離：做咩帶咁多人黎

我：驚啊嘛∼

啊兒望左啊華一眼

之後問我：呢個邊個黎．．．？

我：係喎唔記得介紹ｔｉｍ，呢個係啊華，呢個係啊光，呢個係啊琪

啊兒：ｅ，呢個就係你成日提果個啊琪啊？

頂你啊，我聽到佢講完之後，啊琪就面紅哂

我：係啊做咩啊．．．係呢啊欣呢？

啊兒：佢今日打波啊應該有排先放，係喎我有野要做我走先啦，拜拜

呢個就係我地既第一次見面