男仔就係咁，追一個女仔，追唔到就係舊寶

到左追到既時候，又變左舊草．．．而我都係．．．

之後果一日，我朝早一反學果時就見到啊佩

平時既我，應該就會衝過去同佢講野

但係，我冇做到，只係眼白白睇住佢一步．．．一步咁走

其實一齊左．．．係咪一定好呢？

關係係咪一定升值左？

我同啊佩一齊左之後

可以認真答你，唔係．

直到反屋企，我先敢開ｍｓｎ搵下啊佩

我：喂下星期考試啦點算

佩：我岩岩都想講啊，我下星期考試，今個星期淨係可以ｏｎ到６點炸

我：下？點算啊

佩：算數啦你，唔好掛住我喎．仲有唔好溝女啊！！！斬你嫁

我：知道了∼

呢一個星期，ｍｓｎ成個星期都係傾得果１９句

系學校，就只係有時撞到傾幾句

我覺得比起以前．．．以前好似比依加仲好ｄ　ｔｉｍ

到了考試週了，第一日，估唔到．．．