今日一朝早就成家人凡左飲茶,食左超多野呀~
全部都好好味嫁~正呀>v<"
跟住去左買野,買左滑鼠喇,好野!!>v<唔洗再咁煩喇~
之後就去打波lu我,嘩~全部人都遲大到呀,就連約人果個都遲呀,
帶波果個又遲喎,搞到好晏先打~
打左好耐好耐之後就同喇沙陳朱d人開game啦,兩局都贏呀!!
直頭係easy汁啦,都唔洗認真打ge~
跟住六點幾就陪家明去佢屋企換蚜,今日呀希佢呀媽請我地食飯,多謝啦>v<"
咁我同家明等埋呀天就一齊行過去lu~
去到等好耐都冇野食咁我地就落左去7仔到買野食,食左碗仔翅同珍珠雞,正!!
跟住上返去啦,知道有抽獎,仲有現金獎添~咁我就話邊個抽到都要平分啦,
跟住知道仲有d金抽,我地異口同聲咁話抽到ge即刻拎去賣,哈哈~
到左9點就食得野lu,事關我地果台好多都係年青人,所以食野食得勁快,
人地嗌飲杯果陣我地已經食哂d野喇~最搞笑係人地台台d野都依唔曬要侍應分d野食比佢地,
但係我地果個侍應就勁得閒,跟本就冇乜野比佢做~
到左抽獎ge環節,呀希個呀哥抽到50蚊勁得戚,我地個個想要都拎唔到,勁唔忿氣~
跟住到抽d大獎lu,我同佢地講話我直覺講我知我今日實會中獎,
之後到最細果份大獎,比個傾緊電話好唔在乎ge人抽到~
跟住到左抽500蚊現金獎果時我又學佢拎個電話出黎扮傾電話,
點知真係比我抽中,哈~真係好彩~
但係....要同佢地分呀....分薄哂><不過都唔緊要啦,我都閎左200蚊走~
我咁大方,你地拎去啦^^"最緊要係大家都開心姐^^"
其實心入面係好後悔嫁,哈哈~
跟住拎完錢食飽飽就去7仔"唱"錢分莊lu,哈哈~覺得自己好好彩呀今日~
之後就返屋企lu~返到屋企都差唔多12點喇,聽日要入camp喇,
仲未"汁"野呀,唔傾住先喇^^"