琴日返學冇咩特別,都係咁上下啦,
唔記得做過d咩喇,淨係記得放學去左買今日d野,之後就走人lu~

今朝早同平時一樣都係一早同我老豆一齊食早餐,
跟住polly同彭彭特登黎撞我去我平時去開果間餐廳到食野~
佢地一入到黎就o係度傻笑,真係有問題的-v-"
跟住我同同老豆食完野我就走去等龜濂啦,點知又見到佢兩個~
跟住佢地陪我一齊等,跟住就買個人去左街市買海鮮喇~
我地本來諗住買扇貝嫁,點知見到d帶子勁抵,18蚊斤,咁就買左兩斤帶子先啦~
之後覺得帶子同扇貝差唔多,咁就買其他海鮮,行左一轉~
最後決定左買蝦,我地買左一斤海蝦,好貴呀~68蚊斤,淨係買左一斤><""""
買完野之後見仲有廿蚊淨咁就去左惠康買多兩皮大氣水就返學校lu~
返到去我就打波啦,d miss唔比人殺波,超冇引,所以打左陣就冇打到喇~
跟住就打左陣羽毛球~好快就夠鐘集隊LU,咁就等車啦~
我地係尾三上車果班,都諗住去到都冇爐嫁喇~O係車到猛禁SMS,勁響^^"
嫁車去到元朗公路果陣,有粒石仔彈左落塊玻璃度,成塊玻璃即刻碎曬呀...
跟住d玻璃碎彈曬入黎好危險呀,車頭d人即刻去曬後面,
但係d玻璃碎猛禁比d風吹過黎,最後好多人都只好用野包住個頭~
有驚無險終於到喇~
o係咖啡灣度落車,去到果度呀sir話冇曬燒烤爐,好多人都行左過清山灣果邊度~
但係我地一到咖啡灣就已經有個吉ge爐o係度,我地就離開大隊o係呢度燒lu~
呢度就係岩曬我地呀,好近個沙排埸~
好快我地就開始燒野食lu,透爐實有我份ge^^"
跟住就開始燒啦,一開始d人係咁燒d丸同埋腸(我都係)~好快就食飽左~
之後我地就燒d蝦啦,拎d錫紙加d蒜蓉放落個電鐵絲網度燒,包佢地果陣d蝦仲o係度跳,真係新鮮呀^^"
因為個爐比我整度好多快,所以d蝦好快就熟喇~跟住我地就搶住黎食~
嘩~!!真係勁正呀d蝦,好爽喎,d蒜蓉好香,一個字~"正"!!!!
食完蝦我地就去左洗d帶子,洗左勁耐,因為有成三十幾買十隻,
到燒果陣我地一隻隻放落個鐵絲網度燒,真係very good,不過都係唔夠扇貝正~^^"
食完海鮮我地就放曬d排落個鐵絲網度燒,勁快熟~
食飽飽我地就去左打沙排lu~
勁好玩呀,我換左衫打,d人話我似救身員,哈哈~我自己都覺得似^^"
跟住打沙排打到夠鐘啦,走果陣我搵唔到隻鞋,唔知去左邊~搵左勁耐~
最後發現原來係有人幫我拎左放左落個袋度,好無奈-口-"
跟住好快就走人喇,o係嫁車度又係掛住SMS^^"
返度學校打左陣排球同埋羽毛球~跟住就去左同d f,2吹水~
o係度勁搞gag,好搞笑^^"之後清埸就同polly+soka一齊走啦~
點解今日polly對我勁好,又陪我買野,又幫我買野飲,唔通佢轉左死性!?!?^^"
返到屋企跟住就因為太赲所以就訓左,今日就大概係咁喇~