等我打返廿八號日記先~
今日一早起身就返學校練波lu~
返到去同龔馳搓波,佢d下手勁左好多呀^^"犀利!!
之後就同籃球隊d人打下籃球lor,聯誼下咁lor~
何輝遲到,好憎佢lor~
成日都同我地講,叫我地唔好打夜波,話練波係一早就講好左,
一定要黎,唔好比其他額外ge野影響到,例如前一晚打夜波~
但係佢自己咪又係咁,成日都話自己d時間好緊迫,
咁佢係唔係應承左教波先嫁,
如果係ge話就唔該佢就唔好用其他藉口講到自己遲到好應該咁~
之後仲有好多因素搞到今日成日練波都好冇心情!!
練完波就搭的去睇女排比賽,超勁呀兩邊都!!
對面大家姐真係屈曬機,我地去到果陣個比數係輸緊5:18,
但係佢地仲係冇放棄到,猛禁追追到差三四分,真係好欣賞佢地,
全對人都勇氣可加!!!叻^^
睇完佢地波我又要趕返學校家長日幫手,好赲呀,企左好耐><"
之後到左三點幾同呀爸呀媽細妹去食野,成日都未食野><"
跟住我就返左屋企訓教lu,,,
七點幾訓醒左打比貝貝先知道原來排球隊去左玩,soka唔叫我><憎死佢呀><"""
之後食飽飯即刻換衫,幾經辛苦先出到去><"
去到紅埸打左陣波,跟住就去臭軒屋企lu~
玩左陣落左去拎禮物比李汶澂,生日快樂呀^^
跟住又上返去打機lu^^"
到左差唔多十二點就散band lu~都ok玩玩啦^^"
返到屋企都冇咩野做喇,係咁~
聽日一朝早又要出街喇,好赲.....

今日返到去,冇乜特別,o係到聽slowman唱歌~
上去就o係度傾下計lor,都冇功課要交~
上堂好悶,唔記得買野上堂食,所以就訓著左><"
chem測驗合格,有進步呀^^"不過bio仲係差d呀><
小息就周圍去下咁lor,好悶~
lunch去左食車仔麵,好好味呀,13蚊仲有野飲,抵呀^^"
放學打左陣波,拗親條筋好痛呀,所以就冇打波~
幫女排汁波果陣打爆左個風扇,好黑仔呀~
跟住又打親人搞到個女仔食波餅,佢仲喊黎~搞到我唔知點好><"
唉~睇黎我都係唔好再o係學校打排球喇-口-"
到左六點就係我地ge班會活動喇,打左陣羽毛球,跟住就係集體活動lu~
玩左d ok白痴ge野^^"不過咁先岩我玩^^"
之後就食野啦,食野之前全班一齊聽天恩唱單車,好搞笑呀>v<"
跟住依野我諗我係食得最多嫁喇,好滿足呀^^"
食完野又係自由活動,我同呀軒高歡o係度唱k,我班d女同學做左我地ge歌迷,哈哈~
好好玩呀,高歡唱歌成日走音,哈哈~
之後玩多陣去到八點半左右就汁野走lu,有d唔夠喉呀><"""
返到屋企就o係度玩msn同埋傾電話喇^^