尋日係 blog 度放左個自製嘅計日器，有網友留言問佢嘅語法，既然有網友鍾意就 post 出黎同大家分享一下喇！
語法會係下一篇網誌同大家分享，但係度想先同大家分享一下自己一 d 感受 .......
發覺 QOOZA 既網友，大部份都唔係咁鍾意留言，就好似之前曾經 post 過 自製 G.E.M. 心型飾盒音樂播放器 - 可更換音樂 ，由於希望送俾喜歡此播放器嘅網友，所以冇將語法公開，如有興趣嘅網友可以留言問我攞語法，結果得到嘅係“0” 個網友留言。 
其實究竟係我整嘅播放器唔靚冇人鍾意丫，定係因為覺得要留言先可以攞語法係一件好麻煩，又或者唔願意俾人知道你攞走左語法，所以唔願意留言呢？ 
( 而我個人會覺得一定係我所整嘅野係完全唔吸引，所以連一個留言都冇人願意留囉！所以係果次之後我冇再同大家分享我自製嘅任何 Flash。 ) 
我之所以希望網友留言再將語法俾佢，原因亦都係因為大家真係好唔鍾意留言。
其實留言係希望可以知道我和大家分享嘅野，有咩係大家鍾意，有咩其實大家興趣不太嘅。透過你地嘅留言我會知道應該放多d咩內容係可能幫到你地。 
但係你地嘅留言內容除左 cm 同 comment 外，真係好少見到一d實質話可以俾我知你地係鍾意定唔鍾意？你帶走左d咩？你希望我放多d咩內容？又或者對我個 blog 有 d 咩意見？
( 其實你地俾我嘅每一個留言我都會睇，所以當我睇到留言係話鍾意我嘅分享又或者一d比較實在提問求助之類嘅留言，我會特別在意！例如：有個網友好想整個功能選擇列加圖但唔識製圖，希望我可以幫佢將圖片駁長，其實一般我都唔會個別幫網友製圖嘅 ，但呢個網友係差唔多每日都會見到佢同埋留言俾我，所以我破例幫佢整左。)
由於大家都唔鍾意表達自己，所以每次我只有就自己喜愛發文，但完全唔知道大家嘅想法，其實如果有大家嘅互動同意見，我相信呢個 blog 會做得好 d，我希望呢個 blog 係屬於大家嘅，大家可以係度暢所欲言，可以真正幫到大家、互動交流、互相認識，達到我開呢個 blog 嘅目的。 
如果每一日只係萬無目的咁分享，每日當進入 blog 睇見人流及留言係咁疏落，相信難免會失去分享嘅動力，相信每一個人開 blog 都唔希望見到如斯冷清的場面吧！如換轉是你,你的感覺會否也和我一樣呢？
| 