今日我同豬豬和公公婆婆飲茶, 豬豬好叻仔自己可以用匙吃東西, 又在酒樓行來行去冇時停, 跟著上公公婆婆家豬豬飲完奶奶睡一睡, 正當媽咪想休息一會他又醒來, 嘩!媽咪好累呀! 活潑的豬豬又要玩, 雖然舅父都有同他玩但這個豬豬又要媽咪一起玩 ,噢! 晚餐豬豬食了差不多半碗飯又魚又菜, 仲有飯後水果及甜品, 胃口大開, 公公婆婆餵他吃馬豆糕吃得津津有味, 食一口又行來媽媽身旁, 雖然好累但又很窩心, 公公唔捨得我們離開, 還叫媽咪同豬豬今晚在家睡明天先走, 但我們沒有日用品在身唯有下一次啦!

今日發現有可恥的人在豬豬的日誌裡偷文章內容, 真是可惡! 請大家小心! 

媽咪今日去看我的寶貝豬豬仔, 可能之前豬豬吃得太多零食了, 加上近日豬豬的臭臭都比較硬粒粒, 媽咪怕他熱氣煲了愛心庶水給豬豬飲, 豬豬很喜歡飲...仲自己學拿起杯子飲好乖呀!同豬豬去了公園行了一圈, 回家後在媽媽的懷抱小睡一會又是他出來百厭的時候! 今日同豬豬洗白白的時候他突然拍水花在媽咪身上弄得媽媽都濕了, 他很開心很好奇身邊的一切東西, 他哈哈大笑媽媽很窩心...

近日天天都下雨心情都有點悶,今日媽咪沒有出街在家整理家務忙了一天都很累!剛洗完白白開電腦上豬豬的日誌看看,  媽咪好掛住豬豬添...今日冇見豬豬明天要去看豬豬仔, 管教小朋友是一門高深學問, 我這個媽咪都要加倍努力學習做個好媽咪...EQ要高些先得...