其實呢D咁既膠野睇過好多次,但咁好野既第一次見
本來係自己個forum.但我想重組自己個網,delete哂大部份野,所以放上黎

有100條,但唔想放哂,有D唔好笑唔放

1.我岩岩炒左車,飛左上天,仲未落番黎,我可以點做?

2.樓下個阿嬸成日話我令仔,我可吾可以告佢誹謗?

3.從前有個傻仔射低左9個太陽,是否破壞公物?

4.我個仔想入霍格華茲魔法學校,入學程序係點?

7.點教識我隻鸚鵡在適當時候用適當語氣講粗口？

10.點解我去消防局睇醫生會無人理我?

13.係Starbucks叫一碗雲吞麵幾錢？

14.徐步高係咪步步高公司前主席？

15.我係四人幫，點樣轉會入占士幫？

18.去銀行打劫要帶ｄ咩？打劫有咩技巧？

19.我住開屯門，想搬去元朗。過下新環境。我可唔可以適應到時差？

23.狐狸先生，幾多點？唔係狐狸先生唔好答！

25.我隻貓信左佛教之後一直唔肯食魚,點算?

26.我個頭好痛，程至美醫生係邊間醫院？佢可唔可以幫我？

28.我聽日出世，改咩名好？

30.有個男學生,佢作《我的志願》話佢理想係做香港小姐,代表香港到海外宣揚香港的文化,我覺得佢好有大志,我點樣可以助其成事?

31.青馬大橋時速限制為八十公里每小時,咁如果我參加渣打馬拉松跑步速度超過此速度,會否被檢控?

33.今日先生問我地人類點樣黎 我係咪應該答佢 "不要問我從哪裡來"?

34.點樣加入火箭兵團？

35.我岩岩生左個女, 我個老公姓李, 就想改我個女個名叫露媚, 依個名夾唔夾佢時辰八字?

36.我唔鍾意飲益力多架,咁我會5會變左sasuki架?

42.點樣練腳指尾肌肉？

43.牙醫幫人剝牙同補牙可唔可以用電鑽？

44.天線得得B肚上的電視會唔會播有線成人台?

49.有人係部收音機入面叫救命，我點救佢出黎？部收音機冇入口我入唔到去救佢

50.頭先我個菲傭突然間變左身做Cinderella坐南瓜車走左，應唔應該告佢毀約？

52.用安得磚鋪哂全屋地板耐唔耐用？

56.賽跑時使出追星逐月神行步有冇犯規？

58.外父就黎生日, 送個鬧鐘俾佢好唔好?

59.點令條金魚識游自由式同蝶式？

63.頭先洗面洗得太乾淨,洗到眼耳口鼻都甩哂出黎,點算好？

64.小霞係咪用左gatsby黎gel到條辮棟起？

65.可唔可以倒轉左個金字塔當陀螺咁玩?

70.天氣先生係咪有語言障礙？點解佢淨係識講「哦」？

71.我隻滑鼠比老鼠藥毒親,點先可以解毒？

74.邊間餐廳有得食草？

75.媽咪要我做個好寶寶, 但我說不, 我說我要做個喬寶寶, 之後我呀媽嘔血入左醫院,點解會咁樣架?

76.之前收到霍格華茲入學通知書, 佢叫我去旺角火車站1 3/4號月台上火車,我搵極都搵唔到, 撞牆撞 到頭都腫埋都入唔到去

78.我柯屎柯得太大力, 成個屎忽柯左出黎跌左落馬桶, 我發現個時已經沖左廁, 點算?

80.我分唔到果個女人幾時係郭羨妮，幾時係Madam袁。可唔可以教我？

81.有什麼方法可以令到蒙羅麗莎不微笑？

83.結婚去美心快餐店擺酒，打算擺２０圍到，大約幾錢？

84.如果同老婆結左婚３年之後先發現佢係男人，點算好？

86.我係海下灣游水，被鯊魚咬到。可唔可以做《大白鯊4》個男主角？

87.點解狄娜62歲D人都叫佢做姐姐！我外婆60歲時，就被人叫阿婆！咁唔公平？

88.一隻曱甴食左壯陽丸會點？

89.可唔可以安裝一台大炮係洗衣機上面？

90.貽興王點解唔做謎的調查員，走去叫我地進步？

91.要用幾多個炸彈先可以將整個銀河系炸至粉碎？

93.我屋企想擺個風水陣, 有冇人識擺咕嚕咕嚕魔法陣?

94.頭先收到霍格華茲魔法學校既入學通知書, 你話我去唔去讀好, 我驚番學會撞到佛地魔呀!

98.「莎樂的神奇網網」同「廿二世紀殺人網絡」兩間寬頻公司比較，邊個快D？

99.布甸狗係咪真係姓布?! 點解要改個名做癲狗?? 如果我o係街上見到佢 佢會唔會真係發癲咬我架?? 好驚呀!