尋日我唔知係唔係凍親,全身覺得好凍...之後,我開左一陣機,好無聊咁上下網,我8點起左身,9點幾又番床訓,之後去到1點幾,我呀爸又格硬要我去食野,去大家樂食左個唔知咩牛腩飯,我本來好鐘意食辣野同牛肉,但今次食到1半都食唔落,格硬係咁飲可樂令d飯易入口D,一行出大家樂,我以經覺得超凍,好唔正常,因為果度係商場,正常係好暖,之後搭火車出九龍,去到大學站,我開始頂唔順,有d反胃,港鐵既火車質素不嬲超差,時快時慢,時快時慢,最後入站接位度震一震,係車箱到嘔左少少,好彩有人有袋俾我,個人都真係幾好心,係我我都唔會幫人,我乜都諗過度過,未諗好就有人出手幫人,幾時到我呀= =中間既野 skip左佢,我番去後食左d野,之後訓教,但其實未完,我有d發燒,就發左個夢,我完全對個夢冇印象,只係知我由細到而家,次次發燒都會發兩個夢既其中一個,我唔知點解,個怪夢真係好怪,冇人物,我只係見到d野唔知點,自己好似知咩事咁,但其實乜都唔知,得個驚,但今次我知道自己發夢,但又唔知點算好,好想落床搵呀媽,但果時係半夜,我唔想煩到佢,我知個夢好快完,但好驚好驚...今日起身冇咩事,只係覺得個肚有野,去左兩次廁所,冇事....