今日１０點先起身，跟住食左碗碗仔翅，玩一陣電腦，玩到１點幾，就出門口啦

去邊？今日要出席荃景圍既NIKE青少年入樽計劃既頒獎禮，要２點１０係天瑞Ｍ記等．

去到學校門口見到eliza同jason,跟住就去m記等大文,我同佢都係啱啱到．

估唔到今日只係得４個人加埋eliza去！好悶．

等齊人就去搭車，今次有ｄ暈，不過好采唔洗搭好耐！

原來呢個地點係我地上年比賽既地方，我都仲記得！

去到仲有幾分鐘高級組既比賽睇，有隊幾勁，可惜黎遲左！

好快就要頒獎啦，第一係初級既男子組同男，女公開組．．．冇我地份

跟住到各組ｍｖｐ，都係冇我地份．

再跟住既係義工服務獎，頭５名，冇我地份∼真係慘

不過頭４名有我地份啦，哈哈∼全部攞獎既隊伍得一組初級組

就係我地啦，勁唔勁呢？第一，唔係我地，第二都唔係我地，到左最緊張既時刻啦！

如果第三仲唔係我地既話，我地就第四嫁啦，果然，第三唔係我地

以上講既排名都係由尾數上黎既，姐係話我地係第一名呀，哈哈哈

攞到義工服務第一名既話，攞總冠軍既機會都大左．．．．終於到左頒初級組總冠軍既時候啦

如果我冇計左既話，總冠軍唔會唔一定唔係我地∼∼∼∼至期呀（慢慢諗）

初級組總冠軍既得主係∼∼登登登鄧．．．．Ｄｒｅａｍ　ａｇａｉｎ

當宣佈完個一刻，我唔係好留意佢講ｄ咩，過左幾秒，我終於知到我地係總冠軍啦∼∼ｙｅａｈ！

當時，我開心到腩住ｊａｓｏｎ，不過攞完獎又冇咁開心啦喎，唔知點解

打電話通知其他隊友,有人唔信,有人問點解....上年我都係咁

頒獎禮完左有一個障礙賽，頭２０名有一件NIKEtee早知我都參加啦．

完左之後影左d相(擺左係相薄到,後補),跟住就搭車番天水圍啦！

番到天水圍再番學校擺低d獎杯就去左北江食野,等左好耐！

食完再番天瑞打左陣波，打左２場，１勝１負，到左９點先番屋企

番到去沖涼，打日記．．．就係咁啦

講我心聲：

Dream again其實兩次可以攞到總冠軍，eliza係為我地付出左唔少,佢犧牲左好多私人時間既陪我地去做呢d野

所以我地要應該多謝佢,上年我講錯好多野,今年我唔會講錯野嫁啦!

eliza,好多謝你呀!

社會服務冠軍(小杯)+總冠軍(大杯)