今日照常送細佬番學，不過今日早ｄ番到去

上到去就抄抄抄抄抄功課，不過都係抄左兩樣

中文我都未交，點解冇人知既？

頭兩堂係呃錢，比人呃左兩堂，好采都有番ｄ錢淨．

我條蛇完成左９５％啦，仲幫輸童搞到佢條蛇變成蜘蛛俠蛇，多謝我啦，卡卡

小息溫勿理，因為基本上係未溫過，所以我要用呢ｄ咁唔足夠既時間黎溫書

第三堂係地理，又溫左少少．第四堂係中文，再溫少少

小息又溫少少，終於溫左一半了．英文冇得溫，仲比佢叫左我坐前去

數學再溫多少少，ｆｉｌｅ既野終於都溫完啦．

ｌｕｎｃｈ食杯面，因為之前我買左好多杯面番學，我諗都夠我食一個星期嫁啦

食完又溫書，終於溫左９０％啦．我諗都夠應付嫁啦掛．

勿理既第一堂就係小測啦，其實我地打開本書既睇佢都唔知既

因為佢都唔睇我地既，不過我唔會咁做既．

一測完就知自己冇可能有９字頭了，有少少洩氣．

兩堂勿理好快過左啦，不過未走得，因為由呢個星期開始有第９節

比我地溫書用既，不過好多人都唔係溫書嫁啦，因為都溫唔到既

放左學，果兩個ｆ．１又係到埋伏我地，我終於明白到大文既苦處

番到屋企樓下，汁到個水氣球，泊左車，就去埋伏佢地

見到佢地之後，我就掟個氣球落地，入邊ｄ水就彈中晒佢地

哇卡卡，之後就同徐建強逃跑，佢走得甩，我走唔甩

我走左去後門，佢又走去後門，仲係到守住唔比我番黎

冇左後門仲有前門嫁嗎，我從前門入番去，見到佢仲係後門等

真係見到都想笑，不過唔笑得，因為如果比佢發現左就死得

番到屋企終於安全啦．

聽日有兩科小測，今日只係溫左通識，唔知聽日溫唔溫得切化學呢．

今日我再一次証實左係屋企我真係溫唔到書既

其實我可以去自修室既，但係我唔可以咁冇責任感

不過我真係好想去自修室呀