今日9點半起左身,10點半去左搵eliza,同佢傾左好多野

傾到11點幾,傾完.去左徐建強屋企,12點9去左搵除海,佢帶我去見工

比個事頭婆話我唔夠大隻,叫我搬幾部冷氣比佢睇,咁我咪搬囉

真係仲唔到d冷氣咁重既....一搬,,點知.....搬到喎,呵呵,意料中事.

佢叫我入去寫低d資料比佢,佢話今晚或者聽日會比電話我.

跟住同左徐建強周圍行,行行下見到林靜同kimmy,咁就同左佢地一齊行啦

後黎佢地拉左我地去左影貼紙相,影完我去左玩射籃.

等埋大文同細哨黎到,玩多陣,林靜同kimmy走左.

再同大文,細哨,徐建強去左冒險樂園玩...都係射籃最好玩!!

玩完等埋除海放工,女人都係到,就一齊去左影貼紙相,今次影得令好多.

影完玩多次射籃,走果陣已經7點半....番到天逸已經8點.

行番屋企果陣好辛苦,每一步,每一下心跳都令我好難受

我知道無論eliza點講,佢都唔一定會轉變佢既心意

呢個人既性格我好清楚,佢唔中意人地違反佢既意思

當我行到屋企門口,聽到佢講既我既野,佢話:我知到佢一定要我走...

我好後悔冇繼續聽落去,因為我一開左門佢就冇講.

番到屋企佢唔講野,我唔講野..等左好耐佢先同我講

佢埋怨我搵eliza.佢話會同我商量,其實全部佢講晒,我根本冇機會講野

我話過唔想番,佢話冇得比你簡...一句講晒,錯既永遠係我...

最後..佢決定左聽日佢自己番,我留係到,不過唔可以去元朗做野

我唔會覺得開心,,,因為佢話今次番去係幫我搵學校.你話死唔死呀

總結今日...玩就係開心的,留係屋企就係受罪的.