我相信大家都知道今日係咩日子
對於好似我呢d中五生黎講,更係十分重要
當你地睇到我既心情,係咪大概估到我有咩成績?
如果你真係估到,我話你勁!
無論升到升唔到,對我黎講都冇咩大不了
升到可能只係浪費多一兩年時間,升唔到可能就可以發展自己既興趣
就算升到,但朋友各散東西,升上中六又有咩樂趣?
今日之前我都冇擔心過自己會得到咩成績
因為大事早成定局,早擔心,早唔安樂,不擔心,多麼快樂
不過我都等左今日幾耐,都想知道自己係咩成績
雖然我同自己講唔好緊張,但今朝既心情卻係坐立難安
一時間對於自己已決定既計劃有d擔憂,見到人地驚,我都有d驚
自己係咩成績就唔講啦
我想同一d唔可以係原校升既老友講:
大家同窗共處五年,用心建立得根深柢固既友誼唔會因唔同校而消逝
友情唔係酒精,唔會因時間長而揮發;友情係紅酒,越久越香醇
即使大家現在各散東西,我相信,他日你我重逄,友情更勝從前
依家就為目前努力奮鬥啦!
我幾時都抱住呢個心態去面對一d麻煩事:
船到橋頸自然直...... |
