首先,sorry!!咁耐都冇打日記
因為最近迷上左一個online--劍俠情緣2
好啦,入正題......
今日同書僮去海洋公園,冇錯,只係兩個人
其實我真係有d驚會悶親佢
8點鐘出門口,去左天瑞搭969去力寶,再搭海洋公園線就到啦
去到時間啱啱好,因為今日係星期五,好多人都要番學,所以都好少人
第一個玩既就係滑浪飛船,比起身一次玩,冇咁刺激
next係太空摩天輪,我平時唔會玩既d狂轉既機動遊戲,今次算係我既第一次
next係越礦飛車,比起第一次黎講,都係冇咁刺激,不過還可以
next去左睇海獅-->鯊魚-->海洋館(有條魚既樣好臭串,有d魚既名好型,大開眼界)-->水母
參觀完就去玩機動遊戲:
1.海盜船(第一次玩,估唔到又幾好玩喎!由於唔多人排隊,所以狂玩,前後第一個都坐過)
2.瘋狂過山車(得個"快"字,唔夠刺激,不過都好玩,哈哈)
3.跳樓機(刺激,不過太快.第一次玩咁高既跳樓機,因為以前唔敢玩,只玩過AIA既)
3點去睇海洋劇場,遲少少都冇位呀.
睇完4點,去左邊呢?諗下先......好似去左玩攤位遊戲,冇收穫.
最後去左玩飛天鞦韆(第一次玩,驚暈.玩完後發現都幾爽)
今次我都獻出左唔少第一次,平時唔會玩既野,今日玩過晒
除左摩天輪(維修)同翻天飛鷹(呢個真係唔得,見到都暈)
4點半就落山啦,先去左玩攤位遊戲,最後都比我換到隻樹熊
最後去左睇熊猫,睇完差唔多夠鐘啦
6點半搭車去左金鐘,食完野再去尖咀行星光
行到11點去搵車,搵到都11點半,仲要冇位坐=.=
番到天瑞12點半
我番到屋企就差唔多1點,而上床既時間就係2點
我知書僮都未訓,所以打左比佢......傾到4點,電話冇電,逼不得已收線
如果唔係呢一次,我地都唔知到咁多野
真係好似發左一場夢...真係好不可思議,是嗎?卑鄙=]
 
  
 
 
 
 
仲有好多相,不過唔係我到,有機會既話先pose.
|
