今日8:45起左身~因為要去大埔探入左院既婆婆~慘爆~個部死人64K坐到我死死下~無奈到爆~仲搞到我老豆頂唔順中途落車都~之後轉的士~真係好!!因為我都頂唔順~勁肚痛~去到醫院11:30,要兩個兩個咁探病~我同媽媽入左去先~見到婆婆~唉~心都酸了一酸!!上之見佢介好好地~今次就已經差d認我地唔到了!!佢都98歲了~聽到佢講:我想死又死唔到,係度做左屋企人既負累!!聽到呢句~媽媽就紅透了眼~我都有d想喊!!點解會咁嫁~佢有面對死既勇氣點解冇面對病魔既勇氣呢??好彩佢係前幾年信左主!!我都平安D!!我地探完病之後~我姑媽,大表哥同表侄女都黎左探婆婆~探到12:30就走左喇!!同姑媽佢地去飲茶~同姑媽傾左陣計~佢自己都周身病痛~唉~年紀大機器壤~唔到你唔信!2:30返元朗喇~成粒鐘先返到~係車上訓左一陣~返到元朗就返到教會先!!今日有乒乓球比賽~經過好幾回合激戰~終於由我地組捧左了第一屆學青乒乓球賽冠軍!!之後先係敬拜~好正呀~真係very~~   good!!之後就練歌練到9:00先返home!!聽日練波呀~備戰星期二既友誼賽!!加油呀大家~唔好令捧場既fans失望呀!!