今朝5:00先訓覺..睇波呀~英格蘭好唔爭氣~完場前被瑞典追返2:2~奧雲就係開波1分40秒就傷出~仲可能緣盡世界盃~一定係好大既打擊!!唉.........估唔到謝拉特後備入替都有入球~好波呀!!!謝拉特英格蘭睇你喇!!訓到7:00就返左教會祈禱..幾好幾好...有姐里食呀...幾好幾好....今日係最後一日考試喇...都可能係..........中史都冇問題既...普通話就...易都嘔..哈哈....問大家一條問題..冇得傾點釋成普通話??考完試就諗住走佬~~點知俾Miss Au&Miss Ho追到黎~之後我地都冇走喇...乖乖地返左去....俾老師訓話後....有好多野諗同想講都冇講...只有神明我的心...足夠了吧!!練到2:00先走...過程就當然非常好笑喇~~死人Mr.Timmy最低能...哈哈...返到home換左衫就去左踢波喇~~嘩..勁呀..訓得果兩粒鐘都咁有精神..踢到6:30先返home~~好強呀黃文浩...我..肥雞..忌廉一共射左佢有300球...但係先入得果20球~~真係服曬..連我地呢d射手都咁難入佢波...有左佢我地象波強好多!!今晚好正..成班死仔出黎睇波呀!!哈哈哈..