今日約左MK希返教會早禱!!哈哈~係教會見到d野笑到我同希希死!!嘻嘻!!祈完禱就返學了!!到左學校又落雨了~英文堂依然幫我地溫書~視藝堂上到就黎完~Miss Au話有其仔野做果陣~哈哈~防火演習~哈哈~但係演習完要上返去~冇左半個小息~.~"12:30果陣上緊地理堂~掛紅雨~有鬼有咩~一樣堂照上~唉~呢個紅雨仲令Miss Yuen返唔到元天呀~唔掛好過掛~哼!!下晝家政堂考試~三絲炒烏冬~好易姐!!果然係我果組(錢某,郭添&me)最高分!!哈哈~勁呢~真係一d都唔講得笑!!我對家政都幾有天分!!哈哈哈哈!!放左學返home一陣再返教會練歌~練到5:45盲同立仁黎一彭乒乓球大戰~我都唔知邊個win~總之打到我成身汗,爽!!打左成個鐘!!出左一身大汗~6:35先走~~好抵玩呀!!

今日7:00起身冇返教會!!但係都有祈禱!7:35出門返學,第一堂科學~唔到你唔服~我仲跟何sir去5樓上,超搞笑~冷氣機第一次開~噴出黎除左冷氣既仲有好多塵tim!!羅曉亮俾我慘~你既位對正冷氣機~我就坐係佢右手邊!!何sir講野超搞笑,話部冷氣機好新奇,咩都用新右黎形容,笑到我爆咀!!跟全數學堂唔記得有小測so成績不理想!!miss Tam(談)狂話我唔可以負托終生,跟住成班人得我同佢兩個係度笑!都幾傻下!!佢仲冇啦啦用我支塗改液畫我本薄呀!!哈哈~真係唔知佢想點??同佢打招呼佢就拎轉面係度笑,都唔知佢笑咩??英文就溫書喇~好似好多都明~但係到時就會咩都唔記得!!中文堂改左中史,有老師睇堂~由於我,文仔,霍晶都好乖就有雪條食喇~哈哈哈哈~唔講得笑!!音樂堂考試~咁呀~我個組(郭添,文仔,MK希,鄭謙)都滿分!!勁爆!!放學就行左陣街同MK希,呀水!!仲見到Mary哥tim!!之後就去左郭韋麟home打機!!又進步左了!!6:30返home俾媽媽罵我!!

今日起身又落雨~可惡~冇得踩單車~.~"都好既~條腰有得抖下~唔使辛苦!!祈完禱就成班人去m記食早餐~之後就call Miss Yuen穩佢出黎一齊食~點知佢話唔呀~仲話要趕功課呀~真係唔講得笑!!食完早餐我同錢某就去肥奇home拎返隻wining9去郭韋麟玩~去到佢爸爸都有玩呀~之後仲去買隻wining10返黎俾我地玩,正呀~但係錢某趕時間~可惜!!好好玩呀~玩到我唔想走~但係2:30就俾人call左返教會食「種」!!食完我同霆峰又去打過~真係好玩到...勁勁勁好玩!!玩到5:30就返home喇~點知笨旦話我果座有一跳樓死左呀~我行到天橋果陣都見到呀~有d嘔心!!死者係一個a伯黎嫁!!慘呀!!

因為媽媽同妹妹返左大陸~我就同我爸爸兩個人食飯~有人參雞湯飲呀~超好味~我個人食左一隻雞~正!!好飽!!

今日本諗住唔返早禱的~但係唔知點解又返左喇~.~"今日有10個人返左呀~連MK希都有返~開心呀!!之後就返學了!!中文堂miss房睇堂~乖左唔知幾多呀~地理上左一半就變左午膳~飯商冇啦啦送左飯黎呀~可惡~仲有呀~今朝早會見到Miss Yuen呀~哈哈哈~放左學返home換左衫就去踢波~呀水因為佳人有約要早走~MK希又要返荃灣又早走~錢某唔知做咩都走埋!!只有我同二安的老死踢~仲有兩個可惡的女人~豬茵我幫你教訓左佢地喇~成班踢波既人都狂踢佢兩個可惡的女人!!佢兩個都食左好多波餅了!!嘻嘻!!但係好可憐的我~左腳都未好返,條腰就扭到重傷~行路~坐低訓覺,彎低身都痛得要命~真是一傷未癒,一傷又起!!未試過咁痛嫁!!連坐係度打呢篇日記都痛得要命!!好痛呀好痛呀好痛呀好痛呀好痛呀!聽日仲要踩單車呀~唔知點算~~踩又死唔踩又死!!唉......

今日落雨呀!!超討厭~7:15返到教會~得肥傑一丁友~之後思慧同笠姐~之後呀水同豬茵都返埋喇~得6丁友祈禱!!感謝主~祈完禱返學果陣停左雨呀~返到學先落返!!上八堂有四堂代課~其中兩堂訓覺~一堂做二作紙一堂傾計~正!!中文堂講詩呀~so我專心左好多^^午膳Miss Chan冇上我地班~穩左別個老師上黎午膳!!午膳二食左兩條ice-looly~我仲用肥成拳同肥輝既醉拳一決高下~當然係我win喇~之後肥邱,健兒,錢某,任佳,羅亮都先後死在我的嚮尾蛇之下~哈哈哈哈哈哈哈~佢地既反應太慢喇!!英文堂Miss Chan剛剛從出面買左ice-looly返黎~正正正~放左學我就幫Miss派ice-lolly!!好味~Miss Au仲屈左我一條呀~聽日仲有得食~因為我識ice-lolly!!哈哈~~之後去1踢波~4:30就走人了~錢某做猴子搶球~笑死我!!

希望雨後有晴天吧!!