真係好耐冇上過尼度拉,一句若之︰懶 小女子已經懶到希望咩都唔洗做,唔需要郁架程度啦,可以形容為懶到出汗。
加上尼排又掛位打機機尼 XP 玩緊<<風火之旅>> 已經日日玩到三更半夜,邊度仲有心機上黎打野喎．．．
玩架時間永遠都好似唔夠用咁添,呼..........準備大覺睡,做豬仔啦。因為而家5點啦(朝早) D時間好似掉轉曬咁添......
其實都幾眼訓架,而家眼皮好似越黎越重咁,但就係唔想訓 lo , 尋晚 發覺自己有d發燒,但係冇出到聲,因為小妹知道,
唔夠訓係其中一個主要原因,(會俾人罵架kaka)
尋晚,我地去左燒野食啊...我地去左小覽...警察宿舍附近度,哥度有間小覽燒烤樂園(冇記錯架哇- -)
都幾抵啊,算係自助形式,入場每個人78蚊...開爐就20蚊...之後全部野任食(除左野飲)碳啊都包埋,不過就收凌晨1點,
如果唔係就可以玩夜d。
我同老公7點幾出門口 點知去到千色店門口等小巴 等左成個鍾都冇 之後8點度 我地就走左去搭巴士
差唔多9點就人齊la 因為係星期日 so 都幾多人架 but 可能我地夜黎la 黎哥陣 d人都差唔多走lu
我地一路燒一路傾計 到左11點幾點度 無端端落雨喎 班仔就走去拖曬d枱過黎 d傘係一張枱一把
搬左差唔多成四張枱(因為剩返唔係好多人) 真係俾佢地激死 整亂曬人地d枱 但係一搬過黎之後
就即刻熱左勁多lo 之後差唔多1點我地就走lo
因為1/7 so 老公豬今日放假bo 難得一日假期 我又係佢訓緊覺覺豬哥陣
帶個囡去嘈佢lo hehe 個囡今日又真係成日要爸爸陪佢玩
一起身就走去搞佢爸爸 激到佢爸爸無曬氣添XP
其實今日唔算係太熱la 但係一到左中午 個女已經熱到成身汗
仲要開左冷氣bo 結果我地又去左洗白白 爸爸走左去整部冷氣
因為用開哥陪冷氣傻左 我地一直用緊第二部冷氣 但係就好難吹入我地房
結果熱左好多 我就同個女走左上去角樓 開住部冷氣訓覺
原來角樓好舒服架 可能係唔係太大la 又已經開左成晚冷氣
又入到去凍冰冰 正∼
之後到左5點幾6點 擺低左個女俾佢麻麻 我同老公豬出去街街
雖然主要目的去陪佢去送埋件貨 (預工作於娛樂bo)
結果行到好累啊 之後返屋企食飯飯 再返房打機機lo
