雲山生活篇–我至愛的婆婆 1
我並不是在慈雲山出生的，但卻在慈雲山長大，在我成長中最重要的人我婆
婆蓮妹（妹妹叫她的）！
她揍大我們幾姊弟妺、陪同我們成長、豐富我們人生、給我們愛，還幫我們
揍下一代！她年過 80有多、身材不高、身體有點圓圓的、很“長氣”，還很可
愛、健康！
覺得很不孝！她現在還獨自住在慈雲山，外于當年舊樓拆“舍”重建，爸爸
為免入息審查所以賣居屋，因此决定要與婆婆分戶，所以她獨立分到一人單位！
據當時爸爸講『咁做係為了婆婆好，因為佢先可以keep住個戶藉；keep住間屋，
萬一有什麼事也不會冇屋住！』但是還深深記得當時婆婆嘅失落及感到被拋棄嘅
眼神！她還從此不再拜神燒衣，只簡單裝香！誠心拜神咗咁多年；年年去黃大仙
裝頭炷香、求簽保佑家宅，原來只為我們！佢仲話嘅然爸媽已獨立一伙（居
住），那麼這些可免了吧！
為此初初果時婆婆還偷偷罵媽媽無良心添！（冇錯這是阿婆同阿媽相處之
道，每每有人做錯事都係首選罵阿媽，不論係爸爸有女人都好，我們做錯事都
好，都係「首當其冲」罵咗阿媽先！所以後來阿媽亦炳成咗呢個習慣，屋企不論
係阿爸話我大個嗱所以不洗再打（係用藤條打個隻喎）、還是弟妹做錯、學壞咗
，都係我嘅責任所以要罵我；佢話係我做衰咗個榜樣喎！所以先咁…吓又關我
事！唉…！點解呢…？！）
後來又知道我要與她同住，又經過了多番解釋、心理付導，她才慢慢接受少
少及批準我與她同住，直至我嫁出！
其實知道她多年來仍未為此釋懷，初初還說不用去爸媽家食飯；因為『一人
一伙』嗎！所以不須要咁麻煩喎！（雖然爸媽家與婆婆家只有一條斜路之隔，但
入伙時間還相差了一年之久！）後期直至爸媽真的失去了居屋時她才明白！
婆婆係一個獨立的女性！小時候好喜歡聽佢講起回憶中往事，如：–日本仔
打到嚟香港果時點走難！走咗返鄉下又點生活！後來又為咗鄉下乾旱走返落嚟香
港，來來回回走了幾次！走到 BB都冇埋！又走到連老公都冇埋！最後還要帶著唔
係自己親生嘅女落嚟香港一起生活，獨自打工（做泥工、要作石頭，還要途步行
返屋企）「含身如苦」咁養大媽媽！（當然媽媽唔係佢親生嘅事，呢個秘密係媽
媽自己講嘅！阿婆從來都冇講過！）
聽講婆婆細個果時屋企係有 D 錢嘅！有屋、有田地！所以婆婆細個果時差D
要扎腳，因為果時興有錢小姐要扎腳，後來唔知點先至冇扎 ！（以前，層經响慈
雲山見過有幾個扎腳嘅婆婆，隻腳好細隻，佢哋係要著D BB仔鞋添！仲行得好
慢；擺下擺下真係好似以前 D 格格行路咁！有次還見到佢哋嘅腳、係摺曲
嘅，都幾恐佈！小時候還怕得打冷震添！）
婆婆仲成日講『唔做中、唔做保、唔做媒人三代好』，佢話佢嘅老豆就係幫
個阿叔做担保；結果，果個阿叔走咗路，唔使問佢爸爸自然比人收咗D地嚟
“抵債”嗱！所以後來佢爸爸當然捱得好慘嗱！這教瞓亦常常提醒佢自己嘅！
講到公公其實都冇咩特別，佢係很多鬍鬚的老人家、都幾和霭！佢係同所謂
嘅細婆婆同所謂嘅三個舅父一起住黃大仙下邨嘅！佢哋仲有兩個女，一個係啞
姨。小時候我哋兩家常常有來往，咁當然多數係我、阿媽同細佬三人行。當時唔
明點解屋企明明有個婆婆仲點解要叫呢個人做婆婆呢? 既然我媽媽係大家姐、阿
公又同阿婆結婚先，咪叫佢做細婆婆囉！哇！點知佢幾唔 like 立刻黑面喎！
我持住細個怕咩呀！阿婆咁疼我我硬撐阿婆嗝！點知阿媽話唔可以咁冇禮貌喎！
阿婆又話算嗱唔好咁！咪唯有硬叫佢婆婆囉！想想可能細路仔果時已經sense
倒佢係衰人，所以暗地裏都唔鐘意佢。
過年果時去同阿公拜年，媽媽次次都做到足、又買禮又比錢、仲比埋 D舅父
添！因為三個舅父都讀緊書，阿媽話！好好笑！佢（細婆婆）煎年糕比我食，仲
問好唔好食？我話唔好食！因為我阿婆煎年糕果時唔蛋嘅！蝦！佢唔好食咁唔好
食囉！激死佢！唔洗問梗係又係阿媽完場嗱！之後我再唔鐘意去佢哋屋企！
又後來，佢（細婆婆）公然哭哭啼啼打電話上嚟話我哋阿婆扮鬼扮馬打電話
去罵佢，仲話阿婆要攞返個老公喎！咪比返阿公我哋喎！佢話同阿公先係正式嘅
夫妻唔係細嘅！有香港嘅結婚証書喎！要我阿婆同佢道歉？吓！都冇腦嘅！仲話
要以後兩家人斷絕來往我喎！吓！冇野呀你！攪清楚未呀！我阿婆先至係阿公係
鄉下「明媒正娶」果個！段估你都係排第四“炸”！如果要同你爭，洗要等到
「兩鬢班白」才爭！用個腦念都知無可能嗱！但奈何公公同舅父都懷疑我婆婆。
要我阿婆同佢道歉喎！唉！佢要求我們不可到她的家，從此兩家人真的斷絕來
往，除了公公會上探我們之外；舅父們都聽她講不再跟我們見面。如此無理取鬧
的刁婦！又難得佢 D 仔咁孝順，明知阿媽唔對都照撐！好！
再後來，知道咗果個電話係阿公係鄉下再之前娶嘅老婆、佢傻咗…所以…！
可是真相已出又如何！那個女人仍然堅持…so……
及後，有一天我們收到所謂嘅舅父嘅電話，話公公入咗院叫我們一家去探佢
，佢話阿公無乜野只係想見我們哋至喎！當去到個時我阿公好似冇乜病咁！仲好
精神、但就係唔認得人，只係認得我細佬一個（因佢不溜都係男孫至上！
唉！那個年代！）；唔洗問阿婆梗係非常失望！不竟幾十年夫妻！果次以為阿公
真係冇乜事，點知過次係我們最後一次見倒阿公……個女人真夠恨…阿公死咗都
唔講！阿婆再去醫院探佢都見唔倒！咪打電話問佢囉！ㄚ！佢哋仲講大話、話阿
公冇事所以出咗院喎！阿婆都覺唔妥，點解阿公出咗院都冇自己打電話比我哋
呢？！原來真係……
直至阿媽撞到以前 D 舊街方先知原來阿公死咗好耐…唉…！于是阿媽好辛苦
先搵倒佢哋，只係想問下阿公葬响邊…點知佢哋話人都死咗樂…唔洗知佢葬响邊
喎！吓！虧佢哋讀咗咁多書，仲話係大學生喎？！
真係送四個字比佢哋 Fathe Uncle Charile King！
原來女人嘅妒忌心可以變成咁！…
我永世都記得阿婆知到阿公死咗之後嘅哀傷…還有偷偷的哭泣…！
|
