她媽的–月經
因什麼女人要有月經？！聽聞話很久以前因為夏娃引誘咗阿當去食咗蘋
果喎！所以上帝除咗掃佢哋出街，仲要罰夏娃承受受孕之苦！咁女人因為要受孕
所以就要每個月承受月經之苦？吓！咁咪好唔公平！只係個 friend 有好野 call 埋
你去分享啫咁都要罰？喂！大家都有份食，點解女人要罰咁重呢？真係好唔公
平！
完來盤古初開已經開創咗男、女唔平等嫁嗱！
Anyway, 以上純屬個人發噏瘋！
女人真係苦，每個月都要承受月經之苦！簡直人都巔 ，有 D friend就話好
彩，成半年先一次啫！我哋呢 D 個個月要有幾日、日日“流蚊飯”；仲要係 24
hours 咁日日運作，成日要去廁所！仲未計果 D 頭痛、肚痛呀咁！唔好彩果 D
姊妹仲要痛到條腰伸唔直(仲成日腰“孫”背痛)、面青口唇白到要睇醫生！仲有
D 咩經前侯群症：–口乾、反胃、頭暈等……問題！
所以簡直煩到嘔！我後生果鎮真係差不多隔個月就為咗“姨媽”到痛到返唔
工要放病假，果時仲有 D 結咗婚嘅同事話『你第時結咗婚生埋仔就唔痛嫁嗱！』
吓！咁大獲果時諗！唓！都扼人嘅而家又咪痛，只不過唔係成日痛到咁誇張就
真！
D 男人有時鬧 D 女人“洗唔洗咁躁呀！你“姨媽”到呀！”係冇錯！當你日
夜都“覽”住條片，夜晚瞓响度果鎮又係咁有 D 野流落嚟！攪到你行唔安坐唔落
成日驚漏野果時你會有咩感覺呢？又驚有“鎮味”成日密密換！成幾十蚊包
“家”嗎！幾貴又日又夜！雖則而家 D “M 巾”係好過以前，又有翼、又長咗
、又闊咗！但我哋係一個人嚟嫁嗎？瞓响度會轉來轉去嫁嗎！要幾闊先得格？
成日“打孖”嚟好“焗”到好辛苦嫁嗎！有時仲會損埋添！梗係嗱果度 D 肌
膚咁“亂”！比你日日“覽”住條片係咁“焗”何止想殺人、直情十八個字嘅粗
都爆得出嚟呀！
仲有响 “M ”come 果時唔知點解個情緒特別失控！易哭又易發脾氣，
無端端又會好感慨…唉…總之女人之苦！
記得十幾歲果時好“好奇”，讀女校果鎮除咗有 D 同學睇姊妹之外！仲試過
“籌棋”（夾錢）買“咸書”！所以都幾頑皮，女生走埋一齊乜都講；有 D 誇到
返嚟講自己嘅性經驗添！我哋呢 D 傻吓傻吓嘅仲响度不斷發問十足答問大會咁；
都不知幾咁精彩…！有個同學因為成日要游水，所以佢好早就識用“棉條”
（個時 D “巾”仲未識飛、所以冇翼！又厚、全棉冇膠底，所好易漏野！Even
著埋P.E.褲。）咁佢梗係响度講解用“棉條”嘅好處；如點樣唔會漏野、仲可以
去游水都冇人知！果時仲好傻咁問佢點張 D 野塞入去？！乜塞咗入去會唔會游游
吓水突然發大ㄚ…會唔會脹咗“萌”唔返出嚟…條繩斷咗點算…等超低能問題！
梗係嗱！果時D 資訊科技又唔發達， D 人嘅生活水平又唔高， D 阿媽又保守點
會講呢你聽ㄚ！
話說果時我阿媽咁啱有用“棉條”（係果時好似好高級咁都幾貴，又唔
興！所以好少見！呢！仲係停留响買“巾”都要“鬼鬼鼠鼠”果鎮。），于事
就試吓問佢點用嫁？咁大條點放入去呢？（果時唔知有mini 裝）（其實心諗都
知知哋，因為同學講過ㄚ嗎！）但因為想confirm 係點用係咪要用鏡咁核突；
點知如我所“廖” 阿媽都係鬧同唔比用嫁！因為佢話會『篤穿個處女膜』喎！
But, anyway, 咁又點會令“好奇”嘅我死心ㄚ！有一次，我見到阿媽竟然有
盒細細條嘅！係冇錯牌子叫“O.B.”（我一世都記得佢！）為咗想試一試佢就
偷偷哋攞咗 阿媽一條試，心諗大條就話會『篤穿』啫！咁，咁細又應該唔會掛
！點知『唔試由至可，一試就把鬼火』！當我幾經辛苦出盡『九牛二虎』之力
、仲要鬼死痛咁先放到入去一半；（因為“O.B.”係一支好硬又細嘅管狀，
仲有條少少又幼嘅棉繩）心諗都 OK 嗱試吓玩啫！放唔咁入咪唔洗驚條繩斷囉！
哇！點知當我坐底果時就痛到成個彈起…阿婆仲問我做咩！心中當堂 X 义YZ
……都走晒出嚟！又唔感話比阿媽知！真係『好奇害死貓』！（不過呢個經驗
都幾好笑嫁！有時同 D friend講返都覺得超低能、超好笑）！
By the way, 試過同 D friend做過 test 放“O.B.”落杯水道，原來真係可以
“發到好大嫁”！哈哈！係咪好無聊呢？ Yes！ I'm！
At the end, 真係好想同 D “有幸”讀到呢篇嘅男仕講我哋 D 女仕响呢幾日
嘅情緒失控、繁躁、亂發脾氣；你哋就體諒吓呢 D “覽”住條片嘅人嗱！試諗
下我哋又唔係 BB, 仲要“焗”住幾日添！為咗背住這庫『生育系統』我哋 D
女人幾偉大…所以請好好愛惜我哋嗱！因為果個地方對你哋同樣重要嫁！
P.S. ： 各位姊妹我上年發現咗“ABC”這個大陸牌子嘅巾，又薄又好用、
最重要係佢有勁“薄荷”！哇！爽ㄚ！超涼快！尤其熱天簡直正
到…！呀！佢仲通過國家驗定嫁！香港好似有冇得買呢？如果下
次去開大陸“超市”記住入貨ㄚ！
|
