慈雲山–這個我長大的地方，這個我很懷念的地方，載著滿滿的回憶！很可
惜沒有她拆之前的照片，她的原貌只能刻于腦海中。那天在電視中看見周潤發開
的相展很想去看看，可惜病了多天未能外出，感冒–真可恨！他說年輕時唔識得
影低 D 相所以失去很多往惜風貇，的確是！
以前，已很有衝動去影低慈雲山的相，但是空有“傻瓜機”是沒用的！當
時要玩攝影很貴，又要用 D 鏡頭，機身都貴；想學都唔平！果鎮又唔興話請人
去影ㄧ筒“菲林”ㄧ百幾十，如果唔係就可以請人幫我留底這些珍貴的回憶！
我住的 38 座是 L 型的連著 39 座，面向山邊及觀音廟，可以看著四季變
化的境色。小時候還會與弟弟ㄧ起睡在用摺櫈‘朗’住的的木板上看天空
（木板是爸爸做的，用來封住通洞的鐵枝窗花的）。看著天空的雲在變幻，
天空在轉動！
說ㄧ件其怪的事，不知你相信否？！我總是在盛夏末的時候聞到「初秋
的味道」，絕不同ㄧ般雨後的花草樹木的味道！是ㄧ種湛著秋意的味道！
我不知怎麼形容牠的味道呢！但我問過別人他們也不知我講咩！便煌論聞到
秋天的味道？！
樓下有ㄧ個長長的滑梯，很高的，弟弟總是有點怕那樣高，但我就是愛
這種高高的滑梯！當由高處ㄧ衝而下那種快感！真爽！
小時候真笨！沒想到這種鐵造的滑梯，如果在烈日當空曬著–ㄧ定係辣 Pat Pat
嫁嗱！但竟然有個貪玩的笨女孩，穿著短褲？勇敢地ㄧ滑而下…可想而之會
怎樣–當佢滑到ㄧ半就跟本熱到滑不下去！她唯有痛苦的及時捉住滑梯的邊想
走下斜斜的滑梯，可是當時因為大腿有汗所以啜住個滑梯。狼狽非常！哈哈！
這個勇敢又愚蠢的女孩就是我！
滑梯旁邊有兩個鞦韆，這也是我最愛的活動之ㄧ，盪著盪著，越盪得高
越好！好像真的會似“飄零燕”嘅海迪ㄧ樣飛盪上雲端！（幻想）。現實中
當然是不可能嗱！我又唔係儍嘅！這樣頗皮的我已經不能單純滿足于盪鞦韆，
于是新的跩招又出來了–就是當我盪至最高點時；便立即跳下來，這樣我就
覺得自己好大膽、好有型！亦係咁，我跌損了幾次；還有兩次給鞦韆板恨恨
的打下來，當時以為會‘穿’頭添！托賴！總算活到現在！←（PG 家長指
引）→
鞦韆旁邊有間光慈小學，（而鞦韆前面的鐵絲網就是我常用來趴上光慈
小學正面的石屎頂的途經。這麼跩的女孩你看過嗎？）小學前面有個藍球場，
再向前行 D 有ㄧ個我很討厭的‘氹氹轉’，隔離有條斜路通向 40 座與 43座
中間的另ㄧ個大 D 嘅藍球場。（但因為覺得比較雜，所以很少去）。
吓！43 座係有點雜，可是我也愛那裏的士多，因為種類多！那裏的社
區中心我和弟弟也打過康樂棋的。鵬屋的茶檔我們也幫襯過！
光慈小學的正面有個垃圾站及停車場，兩旁有40 座及 37座。再數落去
梗係有慈華士多、成臨餐廳、新興士多、美景酒樓的34座及轉了彎的信興冰室
（因為 33、34座及35、36座全是 L 型的。至于牠們的座數或許我攪錯了，但
是士多、街市及巴士站的位置我絕不會攪錯！蒙著眼睛也不會行錯的！因為
我是ㄧ個活著的慈雲山地圖。處處也有著我頑皮的足跡。）
不過那天晚上，我想來想去竟然差點想不起巴士總站除了 3C、3D、116、
3M 還有什麼車，後來想起仲有 3B ，好像後期還有埋 3E 添！因為我們很後期
才搬走的。
巴士總站向前行 D 有個沙田坳警署、基慈小學、慈雲閣及有2座孤立的
沙田坳村，忘了牠們的座數，因為牠們總是靜靜的聳立，好像週邊發生的ㄧ切
也不相關ㄧ樣。也可能沙田坳只得ㄧ嫁小巴行走吧！我最記得那裏有間文彩
幼稚園，因為弟弟及妹妹也在那裏就讀的，所以我也要去接放學嫁！當年那
裏還有過木屋區的，我堂家姐還住過的！沙田坳的長命斜與中央的斜路是同樣
出名–斜的！以前中央的斜路還常常有巴士行經16 座郵局對面添（即 57 座）！
咁斜都得嫁？！
以前中秋節很愛行去慈雲閣的斜坡及基慈小學前面的公園玩，媽媽梗係
唔鐘意我們去到咁遠嗱！但我就覺得夜麻麻攞住個燈籠好刺激、好似探險咁！
中央公園我當然也會去玩嗱！果度個公園咁大仲有個小食庭添！哈哈！
講起中央公園，我記得當時每年七月十四都有個“渝蘭勝會”–有唱
大戲同有ㄧ袋米及糖派嘅！後來人太多，街坊會就變成續家續戶問你損幾多
讚助，之後就派個“籌”比你，等到 last 果日去攞米添！後來可能又因亂，
所以分開幾個街坊會自己攪番！
至于中央對面嘅47 座有噤多間士多同文具舖梗係無敵嗱！淨係泗記麵
檔嘅雲呑麵、江南茶餐廳嘅麫包、仲有佢隔離間藥材舖嘅花塔餅（係無錯，
花塔餅–係小時候杜蟲用的，甜甜地、彩色嘅糖，型狀好似肚臍餅個頂頂咁
嫁！因為果個年代 D小朋友特別易生線蟲！ ）、山渣餅（我鐘意ㄧ塊塊長方
形果隻多過ㄧ筒筒圓形果隻，你呢？）同杏舖肉都全部係經典嗱！（我仲會
將食完果粒核搥欄佢，攞裏面粒類似杏仁嘅 nuts 嚟食嫁！Yummy！你有冇
試過呢？）更何況還加上我的母校聖鮑思高學校，簡直係我回憶爆滿點！
不過佢最殺食都係出面向小巴士站果間殺死人唔洗本嘅牙科診所！
唔知你哋仲記得唔記得每次行經時都聽到有人在大叫–『哎吔！好痛ㄚ！』
等等嘅叫聲呢？層經，我細佬都大叫過–『哎吔！救命ㄚ！我唔‘嗼’嗱！
』因為個牙醫常常都未等 D 麻醉藥生較就叫咗你入去‘嗼’牙嗱！仲要係
大牙添！ D 成年男人都忍唔住大叫嗱！看著弟弟比個牙醫襟住响度‘嗼’
牙，真係夠觸目經心哩！就算有杯‘嗼’牙後有雪糕、雪條食都不能再
吸引倒超級痛楚之中的細佬！
其怪哩，點解我當年小小年紀又家住山頂，但係遠至萬年、30座、
16座及 57座我都蒲過？！哦！無他嘅！除咗稍街精阿媽帶我去萬年戲院睇
戲、食野、搭 5c 同去超市 shopping 之外，阿婆又會帶我去16座對落果間郵局
嘅！除咗要去 30 座交租之外，有時又會去佢個 friend 葉魔屋企打客家紙牌嗱！
仲有我哋會去57座探舅公添！舅公、舅婆好錫我們，常常都給我們玩具（五
顏六色的珠仔、彩色嘅波子…等等）。當時彩色嘅波子又名「彩雞」都幾經
貴嫁！舅公養 D 彩雀仲好靚嫁！佢竟然可以教到隻彩雀識講ㄧ倆個字勁哩！
好過信興冰室隻英鵡鬧人–八婆！（果時冇禽流感 OK！D 人仲會帶埋籠雀
去飲茶嫁！）
ㄚ！忽然記得果時稍街精阿媽竟然仲帶過我去 30 座下面果個街市，
行過果邊 D 鐵鵬屋鋪仔嫁！勁呀！阿媽–稍街無人及妳呀！買個餸啫，都
竟然可以蒲盡慈雲山的所有街市！如果無記錯的話！好似當年响郵局隔離
層經有過ㄧ個街市我都蒲過添！
大個咗之後，我仲去過我個 friend 17 座嘅屋企樓下聊 D 貓貓玩（送
佢返屋企果鎮）！又去過 66座個 friend 屋企幫佢吹頭！佢樓下檔車仔麵幾好
食嫁！又去過 53座個同學屋企，順便响附近買布做 project！
這滿滿的回憶所構成的慈雲山地圖，深深印在我腦海中永誌難忘！
|
