第ㄧ次用電動牙刷果鎮，簡直厘咁嘻！冇諗過會係震得咁勁，當佢响

個口度係咁震、係咁震…震到 D 口水呀、牙膏呀漏晒出嚟…ㄧ直漏到落枝柄

果度，又攪到ㄧ手都係！真係鬼咁核突！咿吔！極度噁心！於是想立即襟停

個掣嗱…但係又因為 D “Milk shake ”＊ 不斷流、不斷流…所以滑到隻手

跟本就襟唔倒個掣…想停又停唔倒…ㄧ嘻都係…唯有立刻開水喉隊枝電動

牙刷落去係咁沖…沖乾浄晒 D 牙膏、口水，再用兩隻手指公先襟得停炸！

哎吔！真係ㄧ額汗！

            不過諗返起都覺得好好笑！咁大個人竟然比枝電動牙刷攪到厘咁嘻！

响個浴室度狼狽非常！ 須然當時冇人見倒啫，但係都尷尬到汗流耳熱！

唉！真係丟面呀！

             果晚我直情唔想再用佢，响個浴室度同枝電動牙刷對持咗兩秒；但

諗深ㄧ層，無理由咁大個人會怕咗區區ㄧ枝電動牙刷架？！咁都克服唔倒！

唔係呀‘fa’？！於是乎，我 tone 好自己嘅心情— 厘！就好係似準備起跑

咁—On your mark！Set！Go！…ㄚ！點知又用得好暢順喎！仲好乾凈添！

Yes！我都話我 OK 嫁嗱！哈哈哈！…又懶叻添！

             其實，我發覺要用得好係有竅門嘅！就係‘吱’少 D 牙膏！

            不過，$40 蚊枝 Colgate 電動牙刷，又刷得好乾凈；個刷頭仲可以

替換嘅，都幾抵ㄚ！佢仲陪我玩咗個朝早添！哈哈！但佢衰在要 2、3個禮

拜換ㄧ次 3A 電！睇怕都要買返個义電機嗱！（話時話ㄚ！好似話買話買，

都話咗成幾個禮拜嗱！←阿仔話我！咁冇偈嗱！上次好似用 GP 果 D 义

完嘅環保電；唔夠力開部相機！萬寧同百佳又得 2A 果 D 义電機！ ）

            A！如果你想試吓玩玩電動牙刷，又可以 afford 得倒，不如買果

個成 $900 蚊嘅 Oral B ㄚ！果次我同阿仔响 Watsons 度玩過（ ㄚ！試

過至啱）！佢轉動嘅 frequency快好多嫁，須然係 display，但係阿仔話個

刷頭好舒喎！佢仲有埋义座嫁添！不好要買都幾赤嫁–成千銀喎！我 D ㄧ

般百姓 $100 幾十差唔多嫁嗱！

           仲有好重要的事請注意的：— 如果你用緊漂白牙膏；又或且好似

我 D 牙咁黃嘅話！你千祈唔好用咁大力响 D 門牙度刷呀！如果唔係…

咪好似我咁…懶勁咁响 D 門牙度係咁大力刷、又向上又打橫…結果，咪

勁攪笑咁响 D 門牙度留底幾條特別白嘅–又向上又打橫嘅痕囉！嗚

嗚…扁扁人哋對門牙仲鬼咁大添架！阿仔仲話：『喂！媽媽妳攪乜呀！』

嗚嗚…人哋點開口笑ㄚ！不過好彩 D 痕幾日就消失咗！

最後有少少溫卿提示：—就係千祈唔好响進食後半個小時內刷牙，由其

                                    食咗酸性嘅食物，例如：橙！因為咁好易會刷

                                    損牙齒表面嘅法朗質嫁！

 P.S. 註＊：— 

哈哈！點解我要叫果 D 做 Milk Shake ？因為當 D 牙膏呀、口水呀响個口

度係咁攪、係咁攪， Mix-up  埋ㄧ齊果鎮真係好似嫁！唔信？試吓睇睇！

嘻嘻！‵ο′（奸笑中）