又是霉霉嗡嗡的潮濕天氣，雨落下停下，以為尋晚落完傾盆大雨；經已乜
都落晒嗱，而且今日下午又有陽光。噢……點知到五、六點又霧水四起，厚厚的
黑雲再加飛蟻，唉……意味著明天又有排落ㄚ！
嘿，見到飛蟻我絕不害，我最怕只是那啡啡的、還有那極恐佈的‘觸蘇’
下雨天還會飛的小強，看到會飛的話，我和仔仔會死掉！
回想以前在慈雲山的日子，飛蟻遍屋，我和弟弟捉住牠們，搣斷牠們對
翼，再一腳踩死！變態？是哦！不知為什麼小孩時間竟然那樣……！可能媽媽
同婆婆話見到飛蟻一定要打死，否則會變成白蟻。但是，那時家中不泛木櫃、
吊櫃……等等木家俬，可是從未發生白蟻滋生事件！
08 年果鎮，一天在家中洗洗吓碗，突然看見有條白色的蟲跌下來，再望
真 D，E……唔係蟲–係有腳嘅小小小白蟻喎！舉頭一望，發現吊櫃邊邊裂縫
像是有白蟻的‘觸蘇’在探路；我再企高 D觀察，竟嚇然發現在幾隻小小小白
蟻黏在那兒！唉……心諗–大鑊嗱！聽聞是不能輕易滅絕的，而且要花費很多
錢！剛剛那年因發生太多事，錢洗了又洗，又被無良顧主拖糧；他還遠在澳門
工作，未能回來！情急之下，問了親戚朋友，都無人試過！爸爸又話用殺蟲水
，但我知係唔 work 嘅！弟弟及佢哥哥又話不如拆咗個櫃嗱！但我知白蟻除咗
生命力特強之外，連石屎牆牠們也可礸入的；如果唔能夠滅絕的，牠們只會越
生越多！
唉…唯有問問朋友 S 啦，佢雖然都唔知，但佢都幫我問了滅蟲公司電
話。點知唔問由自可，一問之下佢哋好似同我對分身家咁，死都唔肯講個實數
（價錢），只係話要上門估價；吓！乜家鎮買樓咩？估價！原來佢哋要段個
area 收錢！吓！地產？段呎計！哇！相信未滅白蟻先先就滅絕了我們這一家
了！佢仲話如果 case複雜；即蟻蝸好入，要拆櫃呀、拆牆呀咁，要另外加收
費用；兼且不包回復工程（即修復牆、門…等等），因為佢哋唔係裝修公司！
Ok！明解！但最後佢哋竟然話『上門嘅顧問，可能要‘撟’開個櫃先可以報
價！而且首次到訪要收約 $2,000資訊費，還要唔包滅蟻！』仲有呀！一般
情況收費約 HKD10,000幾蚊起，若果首次資訊完，妳幫襯佢哋先可以扣番尼
$2,000蚊，之後唔包斷尾（即滅蟻後無保養期，唔包再有！）吓！乜都
唔包，就收$10,000幾 $20,000蚊，不如我搵人拆咗個櫃把嗱！
苦無對策之下，上網問咗幾間都係咁，不如學下網上面教人滅蟻果 D
方法，用化學藥劑囉！唉……想與唔想之間，不如同朋友 U 傾吓！點知 U
一傾之下，原來佢醒起公司個同事屋企有白蟻；都係搵阿蘇個節目介紹果個
白蟻專家咋！不過佢唔見咗個電話！OK！Good news！已經好好嗱！我唔
洗好似盲頭烏蠅咁週圍搵！上網咪得囉！Wow，果然找到了！
我一至電，已經有位女仕簡約話李師博可以幫到我，仲話一般簡單
收費約hkd2,000幾蚊 (08年果鎮)，除非太複雜否則數千元已經可以攪掂！
最重要係：–『佢哋第一次上嚟已經可以滅蟻，又唔洗拆牆拆櫃；仲包你
一年內唔再有蟻患，如相同位置有蟻患，他們會免費為你再次滅蟻添！』
噢……多麼令人有信心呀！ Nice……
後來，有位年輕李師博上來，check 完吊櫃及牆等位置，便知道櫃
之結構無問題，並詳解蟻路方向；好彩我們發現得早否則再深入牆隙便更
麻煩了！看他幾下手‘細’‘吱’埋藥就 OK嗱！原來聽電話的是佢媽媽，
而阿蘇介紹果個係佢爸爸！哦……
總收費都只係$2,700-$2,800啫！ (08年果鎮)！Touch wood！
總算安樂到現在了！真係多謝兩位朋友及老實的滅蟻專家李師博！多謝
各位幫忙！
你知嗎？！原來最恐佈係，我哋個 D白蟻係由廚櫃頂頂‘註’落
嚟底部產卵，以這情況看來D白蟻已經响道‘註’咗年幾兩年嫁嗱！唔…
太恐佈嗱…
白蟻專家：李越強
葵涌，打磚砰街 93號，維京科技商業中心，803室
電話： 2726 4432
|
