|
My Brithday cake
生日那天，竟然同朋友食了三餐飯。好耐都冇試過咁 busy了！人越大慶
祝生日也變得越來越簡化了！年輕時生日飯的約會總是食到橫誇兩、三個星期，
或許是習慣了，所以每縫生日來臨時，便會開始期待；期待朋友們會送些甚麼禮
物、會安排去那裏食飯慶祝！久而久之，慶祝的以意也變調了！變得像是場比拼
似的，比拼朋友對我的重視情度；比拼收到多少個朋友的電話、花束、禮物和慶
祝次數…等等的多寡！是膚淺，還是虛榮心作遂？！
真是不明所以的歲月！若友情只能用這樣膚淺來量度的話，那麼這種友情
也只是虛留於表面的吧！
今天只要收到簡單的祝福，或是與友人食餐飯、聚一聚便已經很滿足了！
ㄚ！話時話，這幾年的生日中，已經歷了兩個葬禮；忽然覺得原來簡單
一句『身體健康』已是最大祝福了！因為能擁有健康的身體，除了自己好之外，
還能令到一衆關心我的家人、朋友開心，那便是最開心的事了！
好多謝生日那天好姊妹 F 同 J 陪我周圍走，食意大利餐、又大家樂 tea、
還有好耐無去嘅 Pokka cafe，令到我食得好滿足！（估唔到旺角新世紀間
Pokka D 意粉都幾好味喎！個什麼咖啡蛋糕就其怪咗 D，冇味之餘、雪糕又
唔似雪糕！）晚上還可以品嚐到這個很美味的雜菓忌廉蛋糕。對了！又是幫
Fiona 訂的送貨蛋糕。今次除咗外表靚之外，仲好好味、又唔太甜！正！我 D
朋友見到張相，還大讚添！想訂就留意吓 Yahoo 個拍賣網址，仲有相片睇嫁！
（我們之推介是：–芒菓蛋糕、Opera 及雜菓忌廉蛋糕。）
至於，另外一頓生日飯是在佐敦黃珍珍食的，非常讚的飯！為什麼冇相？
Oh！Beco's, 我們實在太多偈傾了，忙住 update 老友 D 近況，order 到咗
又肚餓到掛住食；竟然又忘了影相給大家分享添！So, 唯有用我三吋不爛之舌，
同大家齋 talk 啦！
果晚，我們 7 點幾到咗，完來唔係太多人，唔知係咪佢哋嘅位置唔起眼
，定係樓梯口果個招牌令人尷尬呢？（佐敦，福樂大廈，1/f。裕華出口，嘉賓
大廈隔鄰，賓館果個樓梯口上。）
我哋 order咗：–咖喱牛腩煲、燒羊架、馬介休炒通菜、串燒一打（豬、
牛、雞）、豬仔飽一客（4 個）、小食并盆細嘅（蝦餅、魚餅、香葉包雞及春卷
，每款 2件）、蝦餅一碟、香芋焗飯、南乳燒雞半隻、牛肉湯河、2個白飯、4個
飲品、甜品并盆（8件糕點）及椰汁西米糕一碟（6件）。埋單連加一，共$960
。相當抵食！朋友還說平日一至五食仲有折，9 點後食再平 D！佢哋仲營業至
零晨 2:00 a.m.添嫁！
我哋叫的是青咖喱牛腩，可是朋友 K 話唔夠辣；佢又嫌牛腩太少太碎！
Anyway, 可能我唔食牛腩，我只係用咖喱汁點豬仔飽，所以我就覺得辣得剛剛
好！味精唔太多，正！不過，仔仔又話太辣！（佢愛食日本果 D甜咖喱嫁吓！）
串燒豬、雞，唔會太厚，美道剛剛好！沙嗲汁 Ok，味精唔太多，正！反
而朋友 K 同 E 倆公婆因成日嚟，所以佢哋嫌個羊架唔正；因為今次係用炸，唔
係燒，所以唔夠香！雖然係唔香，但我都 Ok 嘅，因為佢夠入味、又唔騷，肉質
夠嫩！不過，個馬介休炒通菜就太鹹了，食到我成口係味精！
南乳燒雞雖然唔夠滑、皮唔夠脆，但起碼無咁多雞血；又夠入味，味道
OK。蝦餅同魚餅都 Ok，但我自己還是偏愛辣魚餅多一點，雖然佢略鹹，不過可
以接受。春卷就麻麻地，因為唔脆嘅春卷，無論係咩涵根本就唔好味！
最值得讚係香葉包雞同豬仔飽，唔知係唔係有 D 香葉隔住 D 雞嚟炸呢？
所以夠入味之餘、又滑，凍咗都咁好味！最估唔到個豬仔飽原來係用焗爐焗，所
以特別外脆內軟；加埋 D咖喱汁，勁正！凍咗都唔會太硬！而家 D 餐館，唔知係
咪好趕呢？D 飽同餐湯都係用微波爐加熱，攪到好快凍之餘，仲硬過石頭！
雖然，大家第一眼都覺得個香芋焗飯個 look 麻麻地， D 雜菜舖晒响面
；攪到都唔知係焗飯定係雜菜煲？！不過，當仔仔食咗第一羹，就話正、裏面 D
雞肉仲好味！我同朋友大家都覺得個飯唔錯！
唔知係咪太耐無食椰汁西米糕呢？雖然佢 D 椰汁味淡咗 D，但係唔太甜
，我好OK 喎！不過，估唔到甜品并盆之中果件咖啡味椰汁西米糕係咁香、咁正
固喎！朋友 K話透明果件椰汁糕好香！仔仔同東仔都話個芒菓糯米滋、西瓜汁同
芒菓汁好好味，D 果汁好似沙冰咁，又唔會太傑！
總之這餐，無論價錢及食物質數我都非常滿意；再加埋好朋共聚，簡值
係 perfect！（無影到相實在太可惜了！）
小插曲：–由於近廟街，食完飯及龜齡糕之後，仔仔同東仔都話要行吓
尼條“咁有特色”之街道，於是我們一行五人便去行吓！但估唔到，佢除咗貫徹
平之外，仲變成咗真真正正嘅“特色”，特別色情！Why？佢居然 open 到，
張假嘅“Mary”公仔（O 嘴的成人充氣公仔）、 X具…等等，大刺刺咁擺出嚟
買！吓！咁都得？！好彩仔仔有番咁大個，唔會立亂發問；否則問到我口啞啞，
都唔知點答！嘿嘿嘿……我點識 “Mary”？ 下次話過你知，包你笑到碌地！
P.S.: 仔仔竟然祝我『唔好今早咩年期』！朋友都覺得非常攪笑！
Kitchen User –Fiona
http://hk.user.auctions.yahoo.com/hk/booth/kitchen_user08?userID=kitchen_user08&catID=&catIDselect=&clf=&u=:kitchen_user08&s1=end&o1=a&at=true
|
