|
這是我們的船
星期三–Rainy day，但係我哋就係偏偏簡咗尼個落雨天先嚟吊墨魚！
Too Bad……點解我會咁儍應承端午節去吊墨魚嫁！明明落咗幾日雨嫁啦……
stupid！
於是，我便一早希望個天落大雨落大 D；希望佢盡量落晒佢，但係個天又
點可以預計得到ㄚ！見住佢落吓停吓，就知今晚一定又係會落雨，於是便決定帶
埋件雨褸！
仔仔細個嘅時候，我們便帶佢去過遊船河及吊墨魚；但佢已經忘記了，所
以我就想再同佢去參予了！哈…想起來仔仔其實係一個真真正正嘅–雨男！對上
一次遊船河又係落大雨嫁噃！真係好邪！回想起來佢出世嘅時候，就落了整整一
個星期有多嘅雨，個天落到好似快要塌下來似的。而且，我同仔仔總共去過 3
次遊船河及 2 次吊墨魚，5 次裏面，都只係得一次遊船河係無落過雨乍！機會
律之高，真係唔到你唔信，睇怕下次出海真係要好好考慮一下！
雖然傍晚時，仍然天陰陰；但西貢不愧係西貢，假日仍然吸引到唔少人，
碼頭依然非常爆滿。遊艇到了之後，發現原來我們的船嘅 size 都算大，隻船仲
好企理添！上到船之後，發現船家徐先生一家，原來養有一隻可愛貴婦狗–朱古
力。牠非常純品，可愛；船上的女仕及小童都忍不住竇牠玩。
雖然天陰陰，但仍然無損我們心情。船開行後，我們便開餐了。晚餐有
：–一大煲蟹粥、炸雞塊（貌似麥樂雞）、蜜糖雞翼、炒烏冬、豬頸肉、鴨胸、
火腿三文治及菜，等簡單食物。唔知係咪唔肚餓，所以我覺得所有食物嘅味道一
般；但是船家徐太的撚手蜜糖雞翼味道卻相當凸出，很好味，若然裏面能再入
味點，就 perfect 了！整體嚟講，我都係覺得上次同朋友 D ，那次船河的食物
正 D，由其是炒海鮮方面。不過，船家方面，以今次徐先生一家較為風趣及 nice
多 D！
Ok！開完餐之後，二嫂為求令大家有 D 激勵，所以決定籌習獎金給頭三
名吊得墨魚嘅朋友。獎金分為 $200、150及 70，我們都覺這個 idea 不錯ㄚ！
於是，大家便非常緊張地準備開始了，可是等待了一回，大家都只是與墨魚擦身
而過，直至到大家開始有點消沉時；第一隻墨魚終於上吊了，在大家驚乎之下，
又再充滿了鬥志了；須然有點小雨，但大家仍然非常努力，希望自己可以得到二
獎；果然係無幾奈，第二隻墨魚就被吊上來了，大家喧嘩了一鎮，便準備再努力
；但可惜，此時竟落下一鎮大雨，大家躲避了一鎮又再努力，可是 3 個小朋友卻
已在半放棄狀態了！今日上吊的墨魚唔多，連埋船家吊到的都係得幾隻，大家有
點失望！
最後，三獎被老公奪取之後，又落雨了；於是部份人決定放棄，開始打
麻將了！我？Sorry！雖則我唔會暈船浪，但我絕對係唔可以在朗吓朗吓之下，
好尊心咁坐响道打牌或睇書，所以我便攞起魚排吊墨魚了！
我同妹妹企都企到腳攰，但可惜，最終卻一隻都吊唔倒！咁，又係！家鎮
有咁多人出海吊墨魚，仲邊道有咁多墨魚比你吊ㄚ！ D 墨魚都會學得醒目咗嗱！
係咪！
成晚嘅收獲都係得 10 幾隻，妹妹同二嫂都話已經算唔錯，佢哋果次幾十
人出海，都只係吊倒 2 隻乍！吓！尼個現像係咪反影咗，過度垂吊、濫捕呢？記
得，當年出海吊墨魚，真係好開心；因為連我咁‘揸’都吊到，而且大家嘅收獲
仲好豐富添！同而家比？真係相差甚遠了！
回情時，船家徐太準備了墨魚魚生及鮮炒墨魚給我們吃，我就唔感食墨魚
魚生，一來我腸胃麻麻，二來香港水域又麻麻；反而仔仔，竟然食咗幾嚿！不過
，好好笑，仔仔返到屋企先至講，自己有少少肚痛。佢話食咗落口先知係生嘅！
吓？咁你仲食第二、第三嚿！哈哈…佢最終都無疴，請放心！
鮮炒墨魚的確係好味，可惜少咗 D，算嗱！少吃多滋味。總括嚟講，成晚
嘅旅程 OK ㄚ！$140／個人，總共 21 人。唔貴ㄚ！自己好怕太多人迫埋一隻船
！到時，隻腳都唔知放係邊好！
小插曲：–
開船前，在碼頭看見了一個非常有創意之人兄，佢竟然以發泡膠做底，建造了一
人小船，消遙地搖吓搖吓；返到碼頭，真係非常有恆心！勁呀！有無 close up D
嘅相？有！但要等妹妹下次 send 給我之後，我再上載給大家欣賞。
|
