緣份真的很難說，一通 e-mail ＋ 一通電話，就速成了這個緣份的約會

了！真係約都未必咁啱ㄚ！

            話說朋友 CC 係 N 年前幫上海老闆打工時認識的舊同事，由於佢個人性

格爽朗，所以那時大部份的舊同事就變成今日嘅朋友！

        嘿！諗真果時佢間公司都算大，成幾十人！家鎮個個離巢的舊同事，都

各自發展得唔錯，有 D 仲升呢做埋老闆添！不經不覺已經成 20年前的事了！

尋日講番起，CC原來响果道只係做咗 8 個月家咋！

        由於大家同樣是性格爽朗，所以梗係啱嘴型嗱！還記得，當年我哋層經

响後樓梯一齊煲煙拆苦添！最橋係，我哋無論係高度、身型及 style 都差不多

，所以當大家攞個身份証出嚟睇果鎮，真係嚇一跳！因為我哋張相幾乎似到可

以交換嚟用咁制。哈哈…連我哋嘅親生姊妹都無咁似呀！攪笑嗎？

        雖然，到咗今日我哋都唔係成日見，但係間唔中都會聯絡下、見見面嫁！

今次速成我哋見面主要係一通 e-mail！話說自從有咗 facebook 之後、就好懶

check 貓（e-mail），但係個天好係冥冥中自有安排咁，可能係好事掛！

        當我見到CC原來 plan 咗响 7月尾至 8月，隨同教會（哦！原來CC信咗

教！）一同到柬浦寨山區探訪。而今次嘅 trip 係佢哋自費之餘，兼且要揹背囊

的，所以希望用 e-mail 通知朋友，能籌習多 D 物資，送到當地。由於我覺得

非常有意思，便打算將損款過到CC之戶口。正想登出之際，才發覺原來CC之

公司在觀塘。阿 T 仲話得閒都會去搵CC，但心諗，可惜ㄚ！我唯一個客都搬

離咗觀塘，咁！我又點會無啦啦去觀塘先得架！

         咦！點知果晚 J 就約咗我去 apm 食 lunch／Tea！你話橋唔橋ㄚ？

由於果晚我 free，咪即管 call 吓CC，睇吓大家有無機會見吓面。哈！點知佢

又Ok喎！我哋仲傾到雞啄唔斷咁，講咗 3粒鐘，哈哈！最衰阿 T約咗人，如果

唔係我哋三個實有排傾啫！近在咫尺都不能見面，唯有嘆句同阿 T 無緣啦！返

屋企果鎮仲比 阿 T串，話『見下面傾下都咁開心！』係呀！我就係咁易滿足！

        其實今次個 date，可以話係奇蹟，因為佢上個禮拜個客先走咗；啱啱

忙完，第日又要出 trip，而偏偏我又好似算準咗咁，撞啱尼日上去兼送善款；

所以CC感動非常，仲讚我有心添！佢仲送咗本名為 Friend 嘅書比我添！佢

話無諗過今次個 feedback 係咁大，發出個 mail 之後；已有不少朋友表示支

持佢，不過最令佢 surprise 係我親自見身。所以有時人與人之間的亙動，係

能夠牽引出無限驚喜！難怪中國人有句說話，叫『無心插柳，柳成蔭』嗱！

         尼本書係寫一些關於「朋友」嘅真言，CC話希望有 D 啱用嘅句語，可

以比我响 blog 道同大家分享喎！Ok！No pro, no pro！(problem)（下次

我一定會精心挑選的！請耐心等待！）

         所以真心嘅朋友，係無論你身在何地、信奉不同嘅宗教，但大家嘅關心

都係唔會缺少的！Forever Friends！