 
自己有時都幾喜歡食齋，以前仔仔還小的時候我們還會去食一 D 齋
Buff /放題，一個價錢任食 – 粟米粥，便是我們的至愛！
最近有一間新派素食我都幾喜歡，佢就係位於太子始創中心嘅
大自然素食，我先後去過 3 次，雖然佢哋舖仔細細，大枱嘅坐位
好窄（除咗門口 D 枱）、有 D 服務員又串串貢、超多人（由其
係初一、十五超爆，就算 book 咗枱，用餐時間都只係得個半鐘）
。不過我覺得佢哋嘅茶幾好飲，食物質數都唔差，仲有幾樣我必食
嘅菜式：
i) 冷盤 - 三色素魚生片，凍凍地、觀感一流，像真道極高；口感煙韌
，食落唔會覺得怪，相信應該係蒟蒻，都幾得意丫！
ii) 而暖暖地嘅有雞絲粉皮，嘩…我超 like 囉！正！雞絲口感及質感
超似，蔴醬又好好味！
iii) 另外，佢哋嘅炒粉、麵都好正嫁、有水準！
 
阿 J order 尼個咖喱牛肉飯，D 牛肉味太似了，但可惜我戒了牛肉
成 20 年啦！所以明知佢係大豆造嘅麵根，但我都麻麻地，不過 D
咖喱薯仔同飯就非常唔錯！
↓ 琵琶豆腐都幾好味！↓
↓東南亞串燒，都可以！↓
↓ 雖然佢哋嘅“牛油果多士”好多人 order，又的確係夠脆，
不過牛油果嘅味道就未必人人 like！↓
↓ 芝士焗意式雲呑，芝士味濃郁↓
大自然素食
335 舖，3 樓，始創中心
彌敦道 775 號，
太子
Tel. : 21481163
|
