今日係細佬生日牙~生日快樂~^^不過佢都冇機會聽我講生日快樂ga la~今日細佬同媽子返左學校聽唔知咩野講座~家姐佢地又一早返哂工..得我一個係度勁無聊...係咁睇電視...玩電腦又冇咩文俾我睇wor!!唉...總之就無聊啦~~之後佢地返黎~又去左惠康買野換印花~~貼埋佢剩係兩個就可以換到啦~好野~~我一定要換到8哥返黎!!!之後細佬又要做成曡個D英文W.S..佢就慘LA~剩返唔夠3日~~一定要做哂~~唉~真係辛苦哂~之後二家姐打電話黎話聽日出團~YEAH~3日兩晚~唉~佢幾時可以出日本GA~之後又係度hea lor wor~~hea到5,6點我就沖涼同埋摺衫~跟住就睇還珠格格~><之後老頭子又返黎~開飯~~之後又睇電視~~真係冇咩野做~~之後二家姐就返黎~~嘩~佢"支力"到死下死下咁~唔知想點~但係我一提到電話佢就即刻精神返哂~猛咁同佢傾電話d野~佢話一出糧即買個部sony z800i wor~~又同佢d同事仲有大家姐一齊買~又話咁樣會平d~~之後又話學生價仲平~帶埋我去~但係我又唔係買~唉~咁大家姐個部k700i咪即係我既..keke~(歡呼)之後二家姐又準備聽日出團d野~我又幫下佢咁~~之後佢就訓左~本來我都想訓ga~但係又訓唔著~大家姐又返左黎~同佢一齊睇電視~佢問我做咩唔訓~我話訓唔著~之後佢又係度話你想陪我睇電視咋ma~~之後不得不承認~初頭我真係想陪佢睇電視~因為全部人都訓哂教~得返佢一個~諗住陪下佢~之後為保面子~同佢講左聲你痴線ga..之後又跑左去訓~>//////<

p.s呢篇係補返尋日既~~