七月十九號(最新一篇,都可能係最後一篇)
睇呢篇之前請睇晒下面果篇日誌先睇返呢度,
呢個係第3節.

消失的下雨天　我好想再淋一遍
沒想到失去的勇氣　我還留著
好想再問一遍　你會等待還是離開










我不停練習呢一段
希望o係我唱完「離開」呢兩個字之後就攬實佢
話比佢聽呢首歌係我呢半年o既心聲

尋晚我好早瞓
今日就好早起身
但出奇o既係
成個中午唔係好難捱
聽歌, 回憶, 微笑......
大概係咁啦
同佢相識o既日子雖然好多波折
但心底裡, 仍然係一段段窩心o既經歷

比起尋晚o既風風雨雨
今日o既天氣好左好多
哈哈 點解咁似我o既經歷o既
我一步一步行去公園
原本唔知要等幾耐, 但係......










佢竟然出現左
我冇諗過會快成咁
心理上完全準備唔到......

「喂, 低b俊 」
「係 」
「做咩呀, 發哂呆咁o既 」
「er 又會o係度撞倒你o既 」
「我跑完步咪行下公園囉 」
「你唔係中意朝頭早先落黎行架咩 」
「死蠢, 今朝落雨呀 ...............又估唔到你仲記得喎 」
「係呀, 哈哈...... 」

同佢一齊就係咁
唔係我唔想主動d
而係我好容易就跟住佢o既步伐走
有勇氣o既時候就冇時機
有時機o個陣就冇勇氣
但係, 諗起o個幾句歌詞......
「低b俊 」
「係 」
「你係咪有野想講呀 」
「呀....... 」
「係定唔係姐 」
「我呀...... 」

唱就唱啦
雖然應該好難聽下
但係佢會感動 (好似係)
雖然有機會扑我個頭......










佢用隻手摭住我對眼
對眼不知不覺就合埋左
軟綿綿o既感覺
再加上少少溫暖



但係佢半秒之內就縮開左, 我好失落
十零秒之後......

















「你感覺唔到咩...... 」
「乜事呀 」
我一睜開眼, 就見到佢o既淚水
「點解喎 我做得咁明, 點解你都感受唔到o個種分別 」
分別
「我唔明呀 你可唔可以比少少提示我呀 」
「你講丫...... 你會揀第一次定係第二次呀 」
第一次??
第二次?!
乜撚野呀?!
我根本就唔明你up乜!!
你愈講我就愈唔明!!!!
我已經諗左一晚啦!!!!!!
Louis o個句我都係唔明呀!!!!!!
「你講丫!!!!!! 」
「我.............我就係唔明呀!!!! 你地女仔講o既野, 我永遠都唔識!!
我就係咁死蠢..... 我想改架, 但我改左半年, 你走左......
到我呢半年唔改, 你係咪又要走呀!!!!!! 」
你地知唔知呀
o個時o既我係幾咁無助呀
我再一次感受到自己o既無能為力
孤單, 同埋寂寞......
但到左o個個時候
我先知道, 真真正正寂寞o既人, 唔係我
..................................

















「死蠢!!!!!!!!!!!!!!!!!!!!!!!!!!!!!!!! 」
佢攬住我喊呀
喊得好大聲呀
「我根本冇嫌棄過你蠢呀, 點解你要自己嫌棄自己......
點解你要收埋自己呀...... 點解你唔講你o既諗法比我聽......
點解你變哂架...... 」
「Jess...... 我真係唔知你要d乜呀......
我永遠都唔知你下一步要做乜呀 」
「點解要知呀, 點解你唔做返自己呀...... 我想忘記你呀
但我根本唔得...... 到左外國啦, 點解仲見到你, 聽到你......
點解時間唔可以沖淡你......點解仲要咁愛你...... 」
「Jess, 比一次機會我丫...... 留o係我身邊丫...... 」

















「死低b俊!!!!!! 」
「我要一生一世都折磨你, 我唔會比你再離開, 死低b俊, 死低b俊...... 」
佢每打我一下
我個心就痛一下
我會補償的
一定會補償


我實在實在太唔了解佢啦
佢一直都冇要求過我變
點解我一直咁傻
我唔知咁樣會令佢覺得我陌生..................
我唔知原來我慢慢收埋自己o既心聲..............


同佢一齊喊左好耐好耐
佢講左好多好多心聲
原來佢o係外國一d都唔開心
慢慢佢就開始平復落黎......


?








而o個個moment o既Jess
係幾咁........................
總知就好嗲好嗲
點嗲法, 我打唔落手

唯一美中不足o既係
我提返起o個條問題......

「其實呢, 我仲係唔係好明你話咩第一第二次 」
「死低b俊 」
唉, 我feel到佢正常返
頭先真係可遇不可求
「你知我係咁架啦...... 」
「有咩野我地係做過兩次架 」
「呀灣仔海傍 」
「咁你揀第一定第二次丫...... 」
「er...... 」
「唔準呃我....... 」
「我呀, 我唔要揀第一次呀 ......嘩 ......o個日踩得我好痛呀 ......嘩, 唔好再搣耳仔....... 」
之前同你地提過
佢o係英國度做野
然後根據Louis講
佢「離開」英國返黎
但今次只係一次短聚.......









阿俊
今次返黎, 係因為我放唔低你
但係我記得你教過我
要好好對屋企人
所以我希望返去英國重新讀返書
考好個A level佢
希望完左屋企人o既心願
你知啦
英國A level易咁多
到時返黎香港讀大學都易d啦

呢段係佢講o既說話
而我真係好傻
傻到走去應承佢......




你要信我呀
我一定會考個好成績返黎讀大學架
就好似呢條手繩咁
呢半年我都冇除
一直到你送一條新手繩o個一日
我都唔會除
而你都唔準除呢條頸鍊呀
o個日行街你讚過呢條鍊靚架
唔準貪新忘舊呀......








傻女
o個日shopping我只係隨口up
點解你要當真
其實你同我根本係一樣咁傻
係咪











但我一定唔會除架
直到你要送我一條新頸鍊為止

(完)

話說今日八號我返屋企大門o個陣
拎住兩袋野, 開唔到門好狼狽
咁o岩o岩有個女仔入大門喎
佢個樣, 點形容呢, 係好pure好true o個隻
佢見到我咁狼狽, 於是幫我頂住度門比我入去
我緊係講唔該啦
咁樣就打開左話題啦
原來佢搬左黎呢度差唔多一個星期姐
唔怪得知之前見佢唔到啦
我見佢禁27樓, 我又係住29樓o既
心諗: 仲唔有機
佢又幾傾得喎, 我同佢傾得真係好開心
傾到22定唔知23樓o個陣, 我忽然醒起要問佢拎msn
於是拎左紙筆比佢
佢笑瞇瞇咁寫左, 然後摺左張紙比我
我心諗: 「咁神秘o既 」
唔理啦總之
返到屋企, 諗住打開張紙黎睇啦
點知細佬玩水
於是我放低張紙, 走去捉佢
o係混亂之間, 佢o個碗用來淋花o既水, 一潑……
頂 , 向住張紙
好彩潑唔中姐
但係有d水都係滴中張紙, 仲遮住個字
我心諗: 弊啦
於是乜都冇諗, 純粹憑本能反應捽捽捽…
捽捽捽…
捽捽捽…
捽捽捽…
點知捽到變成咁

冇計啦, 英文字母有26個, 我都照add
有兩個即刻on左line: 「lamxxxxxxx」同「laixxxxxxx」
但係我又唔夠膽hi佢地喎
話就話兩個最有機姐, 容乜易第26個先中架
仲有「!#$^&%(){":>…」呢, 點中喎, 錯哂好瘀皮架嘛
而家都唔知點算…
唉……

---------------------

o岩o岩返到屋企, 見到兩個on左line
我

巴打話得我好o岩o既, hi下又冇乜所謂……
雖然要hi幾十個
第一個係laixxxxxxx, 第二個係lauxxxxxxx (比巴打估中左)
我拎出我o既勇氣, 諗住hi下佢地, 點知
兩段對話係咁o既:
我=a, 「失望……」=b:
a: 今日多謝你幫我呀
b: 咦, 你係......
a: 我係住29樓o個個呀
b: 我冇印象喎......
a: 係呀, 唔好意思

我=a, 「雨是如此……」=c:
a: 今日多謝哂
b: 哈哈, 你好老土......
a: ......係咪我今日著得好leung呀
b: 唔係丫, 仲有人用d咁o既招向女仔埋手o既
a: 我......冇呀.......今日我見傾得埋, 所以先問你拎msn ja ma
b: 哈哈, 今日我有見過你咩? 唔緊要啦, 做個fd啦
a: 哎呀, 對唔住 
 

------------------------

一開始我add人o既時候順住英文字母黎add
add到"lam"字已經累到死
於是心諗: 「我做乜咁on9, 係都add左d有可能o既先啦 」
於是就add左"lau", "law"同埋"la_"呢幾個比較有可能o既名先
然後就見到有兩個人online (就係一開始o既"lai"同埋"lam")
之後因為連講野都唔敢 , 所以都冇再add落去
到左"lai"同"lau" online o個時, 直情係唔記得左add
點知今日先發現, 我尋晚冇add哂先係最

到左今晚九點左右 (尋晚我係o係呢個時間撞到佢)
我決定去樓下等佢
雖然已經冇打風
但係間大廈夜晚通常都冇乜人出入
一路等, 覺得時間好似停左咁
唔知過左幾耐, 終於見到佢 (望下隻錶原來只不過係十分鐘 )
佢一入黎見到我, 笑左一笑
問我: 「咦 咁o岩o既 」
我就話: 「我咁arm要check信, 所以落左黎……」
未講完都已經覺得呢個藉口好on9
但係佢又好似信我喎, 問我係咪好緊要o既信
於是我就亂話係親戚d信啦 
入到去lift, 我想問佢個msn係乜
但係又諗唔到用乜原因
兩個人o既lift好靜
但係到左十幾樓o個陣, 終於打破沉默
係佢先開口o既: 「尋晚唔得閒, 冇開電腦呀?」
我心諗: 「唔係呀, 你有所不知 」
不過都係講: 「係呀, 尋晚唔得閒未add你呀…… 」
忽然之間諗到d野
於是我就問: 「係啦, 你姓乜架 」
佢就話: 「哈哈~我個msn開頭係咪好怪呀? 我姓勞架~勞永樂o個勞, 所以咪係"lao"囉」

原來佢姓勞架!!!
返去上網check下, 原來勞o既普通話拼音係"lao"
於是就即刻add左佢, 佢三分鐘未到就online+hi我
諗返起尋晚冇add哂全部, 搞左咁耐真係
 

----------------------------

頭先九點幾o個陣, 阿儀 (唔係真名, 唔好起底) hi左我
本來諗住o係lift度傾得埋, o係msn都應該係一樣
點知

我=a, 阿儀=b:
b: hi
a: hello~
b: 好似冇問你叫乜名喎?
a: 我叫xxx, 你可以叫我阿roy……
b: 而家又唔係面試, 唔駛咁正經架
a: 係o既……
a: 咁你叫乜名呀?
b: 我呀……我叫xxx, 你可以叫我阿Jess……哈哈
(心諗: 笑緊我啦緊係 )
b: 咁你而家做緊乜野呀?
a: 我呀, 上緊網囉~
b: 上緊乜野網呀?
a: 都係d討論區咁啦……
(講完呢句就知道大件事, 萬一問我係邊個forum就 )
b: 係邊個網呀, 可能我都有上開架喎…… (弊啦今次 )
結果等左十分鐘:
a: 我知啦……一定係咸網啦……
b: 唔係呀, 係uwants呀
a: 哈哈, 我都有上過喎, 你係乜野a/c架……

之後我就話有野做唔傾, off左line
而家都唔知點算好 我又冇uwants a/c
 

------------------------

今日同佢msn左一陣, 都唔知 定 好
事情大概係咁o既:

今日下午兩點零左右
我見到開始功能表隔離閃下閃下
一望 , 原來係佢hi我
開返個對話頁, 原來佢係o係廿幾分鐘之前hi我o既
於是我就打返句「Sorry呀……頭先唔得閒」
擔心左幾分鐘
好彩佢冇走到, 回應返我姐
於是又講返尋日o既話題
尋晚我用左少少時間睇uxxxts愛情區d文 (不過我搵唔到小說區 )
原來都幾有用, 同佢都傾得幾句
傾到一個幾慘o既經歷o個陣
我就不知不覺入左正題
我=r, 佢=j (有追文o既應該知道我點解要用呢個代號 )
r: 唉……一段6年o既愛情, 因為一句性格不合咁就冇左 乜愛情真係咁脆弱架咩
(唔好o係我身上發生唔該 )
j: 唉……係囉 ……好彩冇發生o係我身上姐
r: 你男朋友真係好 (唔知點解第一個反應係咁, 不過心入面就 )
j: 哈哈……我都冇男朋友o既……所以先冇試過咁慘ja ma……
r: 我唔信……你咁靚, 點會冇男朋友? (呢句我係試佢o既, 我認 )
j: 真係冇呀……由細到大都冇乜人追我o既……不過最重要都係冇feel……
(feel……最驚呢個字 不過點解咁靚女會冇人追 )
j: 喂喂……你問咁多, 係咪想追我先
r: 唔係呀, 而家淨係諗住做fd咋
j: 咁以後呢 (放過我啦 點答喎 )
大概十分鐘之後:
j: 哈哈, 唔玩你啦……講真丫, 如果你真係追我, 我都唔知點答你好……

佢係咪唔想hurt我先咁講咋? 我係咪冇機啦
 

----------------

可能因為而家暫時淨係諗住做fd, 壓力細左
呢兩日同佢講野o個陣冇之前咁緊張
不過巴打提議我玩下佢, 罵下交我又未敢
但係我得閒都會講下笑o既 (雖然似係笑緊我多d, 不過都有笑出聲丫 )
總之呢, 我諗佢對我o既印象應該唔差掛
起碼佢見到我都會 住同我打招呼

只不過呢, 又開始有野煩
件事係咁o既:
因為我阿媽識人o既關係
前幾日佢比左幾張免費o既音樂會門票我
本來因為冇乜朋友, 所以打算唔要
但係o個陣時o岩o岩識佢
覺得呢個係一個增進感情o既機會 , 所以都係要左
但係經過前日o既教訓之後
我o既諗法又唔同左
我好驚我會再一次亂講野
上次就話冇乜事姐
成日都係咁樣o既話, 比著我都知乜事啦
但係唔試又心思思咁
唔同佢去d飛又浪費喎
所以而家都真係幾煩
 

-----------------

呢幾日對我黎講
真係好峰迴路轉o既三日
深刻到, 當時o既發生o既事真係有少少歷歷在目o既感覺

件事要由前日講起
話說我呢幾日好忙
基本上要由朝頭早做到夜晚
可能因為廿七號約到佢, 太興奮o既關係
o個晚好夜都瞓唔到
所以廿八號早上連鬧鐘都叫唔醒
結果一起身就
離我開始做野o既時間剩返半個鐘
但係我返去要成個鐘
於是一路刷牙抹面 , 一路換衫食野
時間緊到呢, 幾乎唔記得左當晚就係音樂會
好彩到臨出門口o個陣記得返
於是一手拎起d飛, 就塞左落個袋度
然後就離開屋企……

返到做野o個度, 雖然比人話左幾句
但係因為夜晚o既活動實在太令人興奮
所以都冇放件事o係心上
連話我o個個都問我因乜事short左, 恰熟狗頭咁
成日做野都好比心機, 好似好有活力咁
但係其實我瞓左四個鐘only
到左夜晚六點, 收到阿Jess o既電話
而我都做好自己要做o既野
於是打開個袋, 諗下點分配d飛
數下數下, 總共四張飛
心諗:「四張飛, 一張我o既, 一張佢o既, 仲有佢三個朋友……」
三個






七點鐘o個陣, 到左灣仔地鐵站
總共係五個人, 三女兩男
其中一個係我
經過一個鐘o既考慮
我已經做左決定
但係仲係有少少猶豫不決
我聽到一個女仔開口:「多謝你喎, 估唔到阿Jess識左o個咁好o既朋友」
之後就到另一個男仔出聲:
「係囉~呢d男仔呢, 就最可靠架啦, Jess, 考慮下啦 」
阿Jess就話:「咩呀~阿輝你都唔識收把口o既……唔好理佢啦, 阿Roy……Roy?」
佢叫左我兩聲, 但係我都係冇出聲
我見唔到阿Jess個樣, 但係我feel到佢有少少擔心同埋有少少嬲:
「做乜事呀 ……阿輝 你搞到人地嬲啦 仲唔快d……」
「唔關佢事架……」
我抬起個頭望住佢, 見到佢有d錯愕咁「吓」左一聲
於是我拎起o個四張飛, 塞左落佢隻手度
然後我就掉轉頭走左

雖然聽到佢叫我
但係我不嬲都好似小明咁跑得好快 (算唔算苦中作樂呢 )
漸漸就聽唔到叫聲
最後我就上左架巴士
架巴士好多人, 但係我覺得好孤獨
心諗自己點解咁耐都仲咁on9
「剩返四張飛, 冇理由要佢難做架……」呢個係我猶豫一個鐘之後o既決定
雖然好蠢, 但係我真係唔想佢難做
真係唔想
 

-------------

今日終於的起心肝
o係msn同佢道歉
個對話係咁o既:

照舊, 我=r, 佢=j
r: sorry呀……阿Jess
j: 你係邊個呀 我唔記得有呢個人喎
r: 唔好玩我啦 我真心道歉架 o個日我粒聲唔出就走左係我唔o岩
j: 哦~我記得啦~你係前幾日o係灣仔地鐵站o個個人呀 你o個日咁樣粒聲唔出, 真係好型好cool呀
r: sorry呀sorry呀sorry呀 你點先會原諒我
(老實講, 佢d單單打打真係好犀利 )
j: 哼 咁遲先搵我 我冇你呢d朋友 (我: )
r: 咁……sorry呀……阻住你唔好意思tim











j: 你傻架? 低B俊 我原諒左你好耐啦, 係唔同你做朋友 o既話, 仲會同你講咁多野咩?
r: 哦……你玩我 (但係個心好甜, 失而復得 )
j: 車, 你o個日唔係玩我咩 剩低我一個人拎住四張飛……我睇得安樂, 我d fd都唔安樂啦……
r: 係o既係o既……唔好意思呀 sorry
j: 得啦, 再講sorry我就真係唔理你啦 我邊有咁小氣姐
r: 嗯……咁你o個晚點樣呀……
j: 冇睇囉 你都唔睇囉
r: (原本想打多次sorry, 不過睇返上面o個句 ) 下次我唔會架啦……
j: 仲有下次? 唔理你啦, 瞓覺

就係咁樣比佢罵左一陣, 好彩最尾都同佢傾返計
下次我真係唔會架啦
多謝你原諒我
 

------------------------

今日真係……














都唔知開心到 定傷心到
話說今日o係樓下撞到佢
佢見到我o個陣, 啤左我一下
但係又咬住嘴唇「嘻」左一聲
個一刻即刻暈一暈
老實講, 好耐好耐好耐冇見過佢笑啦
(其實可能係「哼 」我一聲都未定o既…… )
跟住靜左兩秒, 佢又啤多我一次
「做乜呆左呀 唔認得我呀?」
「唔係唔係……你頭先個樣咁cute, 所以先唔知比……」
「係咪咁o既樣呀 」
啤得比頭先仲厲害
搞到我dup低頭
「咁冇膽架你……點保護你女朋友呀 」
我聽到即刻抬起頭, 唔通








跟住佢就話: 「其實我都明o既, 所以……」












所以

















「識左你話長唔長, 話短唔短, 都知道你係d細膽o既人架啦……橫掂上次你請左我d fd爭你一個人情, o岩o岩我又有d戲飛喎……比你約個女仔, 出幾次街, 就會冇咁細膽架啦……喂?」
係佢講呢句o既期間, 我o既心情係由: 到 再到
我剩係回左佢一個「係 」字, 因為我個腦好混亂……
「你要唔要架? 唔要我就同第二個睇架啦 」
「姐係你都會睇 」
「睇下到時點啦……」
「咁……」
「我收埋啦 數三聲 」
「我要…… 」
「唔好又帶漏一張呀」
講完呢句, 佢就用少少恥笑o既眼光望住我
仲加左句: 「你今日成個人呆哂, 比個女仔見到, 會覺得你冇比注意力佢架……」

我冇回應到佢
因為我個腦好混亂
佢比飛我喎, 我應該開心架
但係唔知點解, 自己笑唔出
我唔知心入面o既感覺係咩
總之就……
「那」住「那」住……
 

-------------------------

終於有十零秒我下定決心 (唔好講笑, 遲多幾秒我都可能淆底 )
同佢講聲hi先
以下係大概o既對話:

我=r, 佢=j:
r:hi
j:乜事
r:多謝你d戲飛
j:你搵到人睇啦
r:我諗到同乜人睇啦
j:咁咪好囉
j:記得對個女仔好d呀
j:唔好辜負我o既好意
j:喂 你做乜無反應
j:咁對女仔唔掂架
j:喂喂
j:我off啦
正當我仲猶豫緊點約佢o個陣
佢已經連續打左好多句(其實仲有 , 我唔記得一d)
見到最尾一句o個陣
我忍唔住啦
r:其餘我想約你…
弊 打錯字
我想打「其實」架
j:乜話 要我做電燈膽 當我係你同佢o既「其餘」
跟住就off左
做乜又會柒成咁架
 

----------------------

之後o個幾日
我都專登o係樓下撞佢
頭一兩次佢都直行直過
但係第三日終於肯同我講返野
佢照舊一貫單單打打啦
(類似「緊係人地reject左你先走黎解釋啦… 」呢d)
咁我都一直表示我o既誠意
講左都有三四分鐘
周圍d人入lift出lift
見住我地o係大堂好似等lift又唔係咁
都有少少奇怪o既眼光
跟住佢o個個本來好嬲o既樣
忽然又「嘻」左一聲…


[題外話]呢個咬住嘴唇, 似「嘻」又似「哼」o既表情
係我同佢相處咁耐當中印象最深刻o既表情
之前見過一次, 之後都有唔少
慢慢我就知道, 只要見到呢個表情
就表示佢已經嬲完我
亦往往係我做任何事 (約佢又好, 道歉又好) o既最佳時機
…[/題外話]

咁當時o既我當然仲未意識到啦
佢做完o個個表情之後, 就話:
「算你啦, 入lift啦, 比d人望住哂 」
聽到之後, 我靜左三四秒
搞到佢都有少少
佢就話:「點呀你 係咪原諒左你就扮cool 」
我終於衝口而出, 講我最想講o個句
「我真係好想約你出去架 」
「哦 乜話 」
「我想約你出街 」
「哼 好彩你早少少講 本來我已經有人約架啦 」
「有人約 係…係咪男仔黎架 」
「哼, 係又點 不過我都諗緊去唔去, 因為佢去做o既野又唔arm我…」
「咁姐係…」
「當初我都叫有應承你o既, 你咁有誠意我就勉為其難啦 」
終於成功左
第一次同女仔單獨出街  
 

-----------------------------

話說我終於約到佢去睇戲啦
興奮到有少少失神o個陣
佢就問左我一樣野, 而家諗落都好nor
佢問:「咁你諗住幾時睇戲先 」
我心諗, 張飛唔係有時間架咩
咦, 等等…
當日我一手接住o個兩張「飛」之後
就放左落袋, 無詳細研究到
但係大概都睇到同普通飛係有d唔同…
之不過之後又冇再拎出黎… (我驚唔知又因乜事整濕 )
「咁你姐係幾時約我呀 」
「唔…」
「後日下午兩點啦, 好唔好 」
「嗯…但係我想約你早一個鐘 下午一點, 一齊食埋午餐 」
人急智生, 諗住咁答實無死啦
隨時因為我咁細心而加埋分添
點知一個手袋車落我個頭度
部lift都震左下
「死低B俊 後日落左畫啦 」
「下 」
「唔好比我批死你 你唔係唔記得拎o個兩張野去換飛呀下 」
「呀…係 」雖然口講話係, 但係我仲唔係好明
「低B俊 你真係成世人未見識過…好心你啦, 約人就做多少少準備啦 」
我唯有再一次不斷講sorry啦
佢就叫我o個晚十二點前就要好佢講返幾點到、邊度等
唔係就以後唔好約佢

當初心口得個勇字
到最後變左個 字
自己準備不足真係致命傷
難得佢又冇再嬲我 (或者係我柒得太頻繁, 佢已經無咁好氣 )
而且仲要得一晚準備, 所以我都好落力
放低哂手頭上o既工作去搞掂好…

 

-------------------------

「我唔想太夜返去 拿, 頂盡夜晚十點架咋…你諗清楚幾點約我就打比我啦 」
「我冇你電話呀 」
「你拎部手提黎啦 呢個係我o既電話, 十二點之後唔好打黎 嘈醒我就以後唔好約我 」

聽到呢幾句, 返到去屋企之後
我就拿拿臨拎o個兩張「飛」出黎
原來係「換票證」, 時間、地點自己定
「唔怪得知佢要問我啦 」覺得自己真係成個大鄉里
o個時都好夜下, 於是我即刻衝左出去換飛
另一方面, 柒慣o既我都知道
無理由出黎睇套戲就返屋企
於是諗左下有乜節目





第二日兩點九, 終於見到佢係馬路對面出現
望下隻錶, 我等左一個鐘
但係其實佢只係比約好o既時間遲左十五分鐘
(你明啦…… 一諗起單獨約會, 我就緊張……)
等o既其間又差d柒 (諗住打比佢, 但係打左比男仔fd 因為通訊錄係佢上一個)
但係我心諗, 今日準備咁多
就係要o係佢面前表現唔柒o既一面
於是……










都仲係好柒
我地最初o係銅鑼灣
因為食完野有少少時間
所以我帶左佢去中央圖書館
經過一條有少少名堂o既橋o個陣
我同佢講呢條橋起黎係有d紀念性
「呢條叫唔知…… 」
「呀 奧運橋 」
佢指住個牌

然後到左中央圖書館
我諗住同佢坐下可以見到海o既地方
點知帶左去對面

睇戲o個陣仲有唔少柒野
不過都係無謂提啦
但係同平時唔同, 佢又冇乜點笑我喎, 真係奇奇怪怪
到左七點十左右啦, 連晚餐都食完啦
仲有一個鐘, 於是我就做左我認為係最浪漫o既事…… 
我決定帶佢去灣仔海傍
其實我同佢o個時都唔係住港島
但我細個o個陣住o個邊
所以屋企人成日帶我去銅鑼灣食飯 (唉, o個時出得最多街 )
中學d fd有時約我都係港島多
而佢完全唔熟港島
所以我勉強比佢識多d啦

因為咁, 我就打算約佢去灣仔行下啦
「仲有一個鐘, 我地不如去灣仔海傍望下對面啦 」
「遠唔遠架 」
「er…其實都幾遠…」
哎呀 老實得滯
「咁我做乜要陪你行 」
「呀…呀 o係尖沙咀望呢面你就望得多啦, o係呢面望返去咪幾好…」
尋晚諗左好耐o既原因差d記唔起
可能係咁分散左注意力啦
於是就埋下左我o個晚最柒o既伏線…


比人用手袋一兩次之後 (佢嫌行得太耐… )
終於行到海傍啦
行到附近, 佢開始見到d野
「咦 哇 」
原來幻彩詠香江已經開始左
「喂, 你係咪帶我黎睇呢d呀 」
「係呀…」
「咦, 冇左啦喎 」
同佢仲o係天橋行緊o既我, 見佢停左腳步, 我都呆左……
又柒啦……冇諗到幾時完添








「嘻 」佢忽然拎轉頭, 然後又笑一笑
「你諗左一晚諗出黎 」
佢成個人轉過黎, 我隻手唔小心掂到佢隻手
佢縮開左
…
但係佢又合埋眼
無論再笨柒都好啦
呢個時候, 人o既本能都會知道點做啦
「手牽手　一步兩步三步四步望著天
看星星　一顆兩顆三顆四顆連成線」
我最鐘意o既歌詞, 最能夠形容當時o既心情











咦 係電話鈴聲響緊
佢忽然開返眼, 然後話:
「你個死低B俊 諗住趁我集中力低少少就佔人便宜 」
跟住, 佢冇打到我









不過踩左我一下……
返到屋企, 發現隻腳趾弓瘀左
佢踩左我一下之後就走左
我追唔到去 (甚至行唔到添 都唔明點解可以食得咁應 )
我猛叫佢, 佢都唔應
直到佢落左天橋
我忍唔住大嗌啦
「喂 你行返銅鑼灣o個邊比灣仔遠好多架 」
佢終於停低左

o係地鐵站, 好好彩搵到個位
「今次打和啦 」
「下 」
「你諗住非禮我o係你唔arm 不過我都唔應該踩你o既 」
唔知點解, 本來我真係嬲到唔理佢架啦
但係而家心情忽然好返哂
「拿, 原本我都唔係咁諗架 不過今日見你都冇乜做d低B野, 都應該夠鐘黎料啦 」
「呀…係…」
……
之後都係一貫單單打打收場

返到屋企, 搵下究竟係邊個打電話比我, 壞我好事
點知原來又係自己
我校左鬧鐘提自己有幻彩詠香江
點知幻彩詠香江就唔提都記得
反而唔記得校震機 X2046
 

----------------------------

第一次約會之後o既夜晚
我諗左好多好多
唯獨有一句係我印象最深
「拿, 原本我都唔係咁諗架 不過今日見你都冇乜做d低B野, 都應該夠鐘黎料啦 」
就係上面呢句
或者你地會覺得呢句只不過係一句普通串人o既說話
但係對我黎講, 呢句好重要
o個日我柒左不下十次 (我自己認為 )
但係佢又好似覺得我冇乜點柒咁
「唔通, 我o係佢面前可以完全唔柒 」
我一直都o係度咁諗
但係我始終覺得o個日真係好柒
於是我決定, 我要為佢準備一次完全唔柒o既約會
我要做一個唔再柒o既人, 呢個係我為佢o既改變……

所以, 之後雖然一直都有約過佢
但係都可以話呢d約會只不過係我o既踏腳石
我自知無理由可以一下子完全唔柒
所以我用循序漸進o既方式去改變自己

[學術mode]所謂o既柒, 就姐係做左一d一般人唔會點犯o既錯事
但係做錯左之後, 自然亦都有補救o既方法
補到鑊o既, 自己心入面或者會有少少柒o既感覺
但係對方係唔會覺得
就好似你同女朋友行街行錯左, 只要你女朋友唔知
你兜返arm路佢都唔會發覺有問題 [/學術mode]

[哲學mode]當然, 真正意義上o既唔柒
就係對方覺得冇錯o既同時, 要自己都覺得自己冇錯
要做到呢個地步要先經過上一個階段
就好似唔知咩「要心中無劍, 必先心中有劍」咁 [/哲學mode]









好啦 發左咁多up風
簡單d黎講, 姐係同佢出多幾次街, 攞多幾次exp.升lv.啦
當然我唔會無了期o既
我諗住揀一個有意義o既日子
原本諗住聖誕節o個排啦約一日架啦
但係佢同屋企人去左歐洲玩
(拿 唔好話我冇問佢所以柒左
原來佢一個人住, 同屋企人見面唔多
所以就算佢好早就同我講呢件事
我都同佢講, 要珍惜同屋企人相處o既機會 )
不過可以話好好彩
我搵到1月14日呢個日子
而佢都願意同我出街
係生日o既時候
對好多人黎講係好普通o既一日
但係我絕對會記得呢一日發生o既事
無論係幾耐之後……





照舊, 我約左佢o係大堂對面o既馬路等
因為唔想大堂d人望住哂
今次我明顯無上次咁緊張
上次早左四十五分鐘等
今次早左十分鐘左右啦
佢都好左少少, 上次遲左十五分鐘
今次淨係遲左十一分鐘

佢o係馬路對面hi我, 笑左一笑
我應佢o既同時望住佢過馬路
佢冇乜點留意周圍, 點知一架車衝緊過黎……










好彩完全無事, 其實架車本來就行得好慢 (姐係唔煞車都撞唔死人o個隻 )
都唔駛點煞車就停低左比佢過
咁當然, 我承認當時係以為佢差d比車撞
佢就直行直過, 然後見到我額頭上o個幾滴汗
就問:「 嘩, 低B俊, 今日好熱咩 」
我o個時已經識得點樣兜 (日日比佢串 經驗太多啦 )
就話:「無呀 有d露水滴左落黎 」
比起第一日o既我
而家呢d野我已經唔當係乜一回事

跟住o個日o既行程
我可以話花左好多心思
時間控制得都幾恰到好處 (哈哈, 自己讚自己 )
咁當然做左乜就係秘密
始終唔係重點嘛
另一方面, 第一次約會我地雖然乜都會講下
但係心事係唔會講太多
不過呢一日, 情況可以話係相反
o係得到佢o既信任方面, 我花左唔少心機

話咁快到左夜晚十一點啦
睇完戲之後, 我同佢行左出戲院
我同佢o係人流少d o既地方行
諗住係時機啦, 一個等左好耐o既時機……










o個時我地o係銅鑼灣最出面o個d街行緊
我靜左一陣, 原本講緊第二d野o既佢
見到我靜左, 就望住我:「做乜唔出聲o既 」
我見可以講我想講o既野啦, 於是就話:
「無呀, 我o係度諗緊d野……」
「諗緊乜呀 」佢笑左一笑
「呢幾個月同你過得好開心呀, 我覺得……」
「哈哈, 你比我串左幾個月係都咁諗, 你一定係被虐狂啦 」
「哈哈…… 」
「不過你咁都唔嬲, 我都覺得幾開心o既 有個人比我無限期虐待喎 」
「不過呢, 我好貪心, 我想再開心d……」
原本佢想繼續串我, 但係見到我同平時o既反應完全唔同
於是又望住我, 靜左落黎……
「我想同…… 我想…… 唔 ……姐係…… 」
佢見我講唔出, 忽然擰去另一邊望海
「有你呢個朋友, 我真係好開心架……我都好珍惜同你一齊o既時間, 所以呢, 所以……er…… 唔…… 」
朋友?

又一個手袋車落個頭到
「哎呀 」
「你呀 無端端講野講到吞吞吐吐, 搞到我比你感染左 」
「下 係 」
「哼 」
「係啦, 行到呢度, 係咪好近灣仔海傍架 」
又係呢個嬲完之後, 好似「哼」又似「嘻」o既笑容
一個仍然會令我心跳o既笑容
「係呀 …… 」
「你帶我去o個度啦 」
同佢行去灣仔海傍o既時候
兩個人都好靜, 一句說話都冇講
我唔清楚佢諗乜, 完全唔清楚
而我一直都係諗緊o個兩個字
「朋友 」






但係當我諗起佢對我做起o個個似「哼」又「嘻」o既時候
唔知點解, 一切好似變得完全無所謂
我唔知佢點諗, 可能佢想拒絕我, 但係又講唔出口
只不過, 呢一刻, 我同佢正在身處兩個人o既世界
更重要o既係, 我最唔想發生o既事情係佢嬲我
由頭到尾, 唯有呢個諗法無變過
所以呢個代表佢嬲完我o既笑容
係重要過所有所有……
有左呢個諗法之後
我已經做好失敗o既準備

「上次企左o係天橋度, 都冇留o係海傍就走左啦 」
「呀…… 係…… 」
「你呀 o個時幾咁低B 識著你真係三生有幸…… 」
「但係我…… 」
「我都未講完…… 同你相處耐左, 你都進步唔少丫
呢一排, 除左頭先之外, 你都冇做過其他低B野呀 」
唉 始終都係柒左一次
「你改變好多呀, 所以……」
佢合埋眼






究竟佢係點諗?
佢係想試探我係咪當佢係朋友only?
定係佢想我再進一步?







我決定錫下去
一直以黎, 我同佢o既感覺
我對佢細微o既表情變化
我相信自己o既直覺……








人生如戲, 有好多好多事情就係咁戲劇性
如果你呢d事因為好似拍戲咁
而覺得現實冇可能會發生
咁當呢件事發生o既時候
你就會因為準備不足, 而錯失呢個機會








無論你信唔信都好, o係o個一刻
我個腦浮現起o個次電話響起o既畫面
事情就係咁戲劇性
就係o個一刻o既遲疑, 佢就已經開左眼
「哈哈, 你冇非禮到我喎 」佢再一次笑左一下
「唔……er……點知你姐 」
我因為頭先o個一刻而差d回唔到神, 但係我察覺到o個下笑容
「今次咁叻 cup一個兔仔印比你啦 」
「喂…… 好啦喎 」
同佢又開始單單打打, 直到送佢返佢屋企為止
事情好似冇變, 一切好似回歸平常
但係事實上, 或者已經係覆水難收……
因為o個個笑容……
 

-------------------

自從o個日之後, 我同佢聯絡o既方法完全失效
於是我決定左日日o係樓下等
我選擇左一個附近o既公園等佢落黎
我唔知佢避我避到幾時
但係我相信佢會落黎見我一面

到左幾日之後o既一個下午
當我o係度望緊花花草草o既時候
有一個人出左聲:「喂 低B俊 」
一把有少少唔同, 但係我仍然想聽o既聲音
我望過去, 一個我最想見到o既人
但係佢個樣, 我睇出係……
我知道我今日唔講, 可能以後都冇機會再講
「阿Jess……」
「你做乜呀 懶認真咁 」佢仍然想扮到以前咁, 但係佢把聲沙左好多
「我…… 我…… 我愛你…… 阿Jess 」
「下 你話乜野 」
「我愛你, 阿Jess 我好想保護你, 我好想同你o係埋一齊 」
原本準備左o既台詞冇用到, 我只係講左我最想講o既野……
一個好普通, 根本冇可能令到女仔鍾意你o既表白呀可














「太遲 太遲啦 」佢開始眼濕濕
一直一直, 佢係一個幾咁開朗o既女仔
我甚至幾乎冇見過佢唔開心o既樣
次次「那」埋塊面, 佢一定o係半秒之來串我 之後笑返
但係今次, 我整喊左佢……
我好想攬住佢, 安慰佢……
「你行開呀 」佢推開我, 終於喊左出黎
「阿Jess, 我係真心架…… 」
「點解你要咁遲先講 點解 由一開始見到你o個陣, 我就已經好鍾意你……你雖然好傻, 但係你好真, 你比到我好多好多安全感 」
「咁, 點解呀…… 」
「你知唔知咩叫火花呀? 火花唔會等人架, 我雖然好鍾意你, 但係已經係過去式啦……」
「咁點解你仲要比機會我……同你成日一齊 」
「我曾經比過好多次機會你, 一直到1月14日我生日, 我好想你同我講 我好想你比我一個承諾…… 但係你冇咁做…… 你冇呀…… 心入面o既安全感已經流失得一乾二淨啦…… 」
「我…… 我…… 」
我好想令佢再次相信我
但係我喊到收唔到聲
原來我一直做o既都係錯
「我要去外國, 陪我屋企人一齊走……你忘記我啦……」
佢走左, 我好想追過去, 但係我行唔郁
我嗌佢, 佢冇回過頭
我好憎以前o既自己
點解我要咁做……
點解我要……
點解……












幾日之後, 我問管理員, 佢已經搬走左
佢冇留低任何聯絡方法
直到今日, 佢msn都一直冇on
我傷心左好耐好耐
直到今日, 我都未能夠完全復原
 

------跳至半年後----------

呢半年我都唔知點過
有時上黎假 下過下日晨
臨訓前會check一check email
有兩三次見到佢send email
次次未睇就開心到扎醒左
(屌, 發夢都睇唔成 )
估唔到今日佢真係send左封email黎
我反而咁淆
我好驚封信入面會係令我失望o既答案
所以一直都唔敢開
但係冇理由架, 我等左咁耐
唔係等呢一日咩
如果個結局真係咁差
我咪死心囉










諗就咁諗
結果掙扎左好耐
比人當假 屌左半個鐘先醒
終於襯衝動o既一刻開左
















屌, 呢一個moment心情唔知點形容
括號入面係我講o既


低B俊:

唔經唔覺, 原來已經離開左香港半年啦? 時間過得真係快~

你知唔知呢半年我o係英國生活得幾開心呀~ 我一落機就... (下刪1000字, 私人野多 )
所以就忙左少少, 冇時間睇你o既email~

算啦算啦, 我知你唔信架啦~ (其實我真係會信... ) 你冇估錯, 開頭我根本唔想理你,
丫唔係, 其實我一直都冇打算睬你! 不過最衰都係你, 連自己個名都打得錯! (我習慣
email o個度打返個名) 搞到我以為係當地識o既香港人寄俾我...你知啦, 人地o係o個
度住左幾年, 講慣英文架~ 最多咪提下個姓~ 好似你見工咁講全名咩! 佢個姓又同你
一樣喎, 我咪誤會囉......
(本來我好感動, 而家... x2036唔洗找)

咁既然click得入去睇, 又冇理由唔留幾隻字... (的確係「幾隻」字呀下 ) 況且我又
唔係d咁小氣o既人, 都過左咁耐囉, 大家係咪做唔返fd先? 唉, 我解釋咁多做乜? 總
之呢, 以前o既野就當粉筆字咁抹左佢, 除此之外冇任何意思, 你唔好諗錯隔籬!
(係o既, 我仲可以奢望d乜? )

咁就哂左我半個鐘啦~ 我星期六就要返去香港過暑假, 踢哂腳咁, 仲要哂時間覆你! 唔
駛覆我啦, 呢個禮拜我冇時間check email~

Jess




諗到點形容啦, 百感交集
 

-----------

真係波折重重......
尋晚我再一次o係msn煩住阿Jess個fd
結果係點, 我諗你地都估到
失敗o既我攤o係床上面望住個mon
望住一個一個msn登入登出
但係就唔見佢o個msn出現......
o個一刻我成個人崩潰哂
乜都唔想諗, 淨係暱埋o係被竇入面喊
傷心o既我加埋勞累, 好快就訓著左

結果當我一開眼
先至記返起最重要o既一件事
send email
我拿拿臨click個firefox
但係死人網上爬竟然玩龜速loading
然後望見個鐘
仆街, 要遲到呀
我一路刷牙洗面換衫食野
都見唔到個homepage
臨出門前, 見到「找不到網址」幾個字
知道又斷左線
於是我決定出門
但到上左車先黎後悔

講真, 遲到最多比老細罵
但係而家咁搞法
姐係淨返一日到比佢覆
睇黎今晚要買定材料開始做勞作......
雖然我算訓多左少少
但係因為太心急o既關係
成個上午錯漏百出
好彩我d同事算體諒我
(可能我平時柒得太多掛... )

到左lunch o個陣就更加心急
我部電腦本身上唔到網
但我都唔夠膽借同事o個d黎用
更加唔知道公司附近有冇網吧圖書館o個d
唉, 好辛苦先過左半個鐘 (我冇去食飯 )
心諗咁樣等都唔係辦法
見到附近有份報紙就拎左黎睇

真係夠巧合
揭到去某一版, 有幾隻字吸引左我o既注意
「空姐如何和男友連繫感情」
如果我同佢真係一齊o既話...
情況應該差唔多呀可?
睇到一句
「只要有心, 相距千里也會想辦法令對方感受自己的心意」
忽然有d領悟...
心意, 冇錯
心意係最重要o既
我而家最需要o既係先清楚對方o既心意

或者因為諗通左啦
下午冇咁難捱
放工搭車o既時候
一路拎住o個篇文睇 (睇左應該唔止十次... )
但係到到返到屋企啦
開firefox啦
焦急o既心情又再一次出現......
















佢send左email比我
今日咁戲劇性o既
拿拿臨開黎睇...
佢話佢上一封email唔記得講邊班機
又睇死我唔夠膽問佢 (..........................講中一半半啦 )
於是就send多個email比我
真係「踏破鐵鞋盧覓雪, 汪明荃不費工夫」












不過佢竟然話帶個fd比我識
係男係女呀
救命, 今日坐過山車咩
低b俊:

呵呵, 驚我有bf呀? 半年前我戇居左一次, 而家緊係要慢慢了解人地啦~ 個男仔又的確幾好喎......

拿, 問得就當你黎! 唔黎冇fd做!

Jess
 

-----------------

尋晚雖然好早就攤o係張床度
但係我實在太緊張啦
o係張床度典黎典去
個腦不停咁run, 停都停唔到......

經過漫長o既一夜之後
終於到左起身接機o既時候啦
(其實我都唔知自己有冇訓到o既... )
或者係因為太興奮掛
望住鏡入面o既我
我覺得自己連老虎都打得死幾隻
於是沖左個靚涼
嘆左個常餐
就正式出發啦

但係到機場o個陣竟然早左成個鐘
不過似乎都arm
因為我發現有d機係會早到o既 (我大鄉里 之前唔知 )
無論點都好啦
我而家要做o既野就只係等......













我唔係未試過等一個人
但係一直一直, 都冇試過咁耐
我已經等左半年啦
但我仲有一個鐘要等
只不過呢個鐘
就好似等左半年咁耐
因為呢半年o既畫面
不斷o係腦中盤旋......

sorry, 有少少感觸添
有時就係咁橋
當我情緒仍然未平復o個陣
佢就出現左啦
雖然有少少唔同
但我一眼就認得出
於是我就拿拿臨抹走o個兩三滴眼淚
先至向佢揮手
當我諗住舉起隻手o個陣
先知道佢已經發現我
仲向住我呢邊揮埋手
唔通頭先咁柒o既畫面比佢見到
而佢行得愈黎愈近o既時候
我除左識得機械式揮手之外
就淨得呆左o係度......

佢戴住一副眼鏡
見到佢身上o既衣著
發覺佢識得打扮左好多
講真, 佢睇落係冇以前咁純咁真 (少少咁姐 )
但係就吸引左好多好多......














「哎呀 」比人敲左個頭一下
「做乜成碌木咁架 低b俊 」
「呀 我地係咁打招呼架 係咪嚇親你呀 」
聽到阿Jess咁講
我先至留意到佢側邊有個男仔......

老實講, 一望到佢
我個心就有d慌
佢起碼高我半個頭
亦都型過我好多
雖然我見過唔少人著西裝
但係好似佢著得咁型o既
真係少之又少

「呢張係我o既咭片呀 唔知點稱呼你呢 」
「我...我叫呀Roy呀 」
雖然我有d怕佢o既眼光
但當住阿Jess面前, 我要表現得堅強d
「你叫Louis呀」
我讀左lu-vis
跟住阿Jess側埋一面, 掩住個嘴...







「都有唔少人咁讀o既 但係更加正確o既讀法係lu-vi, 冇s音架 」
「都話左架啦 佢一定會讀錯架, 你又唔信 」
見到阿Jess經典o既恥笑表情 (一般人淨係會覺得佢係 )
我就知我柒得幾離譜
一見面就咁, o個刻真係想搵窿捐
柒左兩次之後, 我地就一齊離開機場啦
我地先到Louis住o既酒店放低兩個人o既行李
我嚇到以為佢地兩個一齊住
點知只不過係阿Jess擺住d行李先 (係呀我又比佢串呀 )
跟住都差唔多三四點, 我地就出去行下
但係天色似乎唔多好
於是我地主要都係室內活動
最尾變左陪阿Jess shopping
(乜佢o係英國唔係已經成日買野架咩 )

結果有d出乎意料
o個幾個鐘我同Louis傾計多
相由心生係arm架
可能因為佢接觸o既人好多
所以佢o既見識真係好廣好廣
睇落去先會比人一份穩重o既感覺
我雖然細佢兩三年
但自問呢三年點追都追唔上佢
o個幾個鐘我學到唔少野
例如知道E=mc^2其實唔係代表相對論
DHMO其實係乜
行左唔知幾耐
阿Jess見我地咁好傾
忍唔住問我地其實係咪一早識
喂小姐我都唔想架
你淨係識得隔十分鐘就問我一條問題
唔係「呢隻耳環靚唔靚呀 」就係「o個件衫你點睇 」
我都要揾野做消磨時間架









咁當然我唔夠膽講出口
可能佢都開始累啦 (話哂成三粒鐘...... )
於是佢就話想去食野
仲問我地有冇意見
我地兩個大男人都無奈地笑左一下
(想像下 個嘴變成微笑, 我好似見過呢個改圖 )
總之你話點就點啦

於是我地就搭去另外一個地方食野啦
係一間食牛腩面o既鋪頭
我同阿Jess都食過幾次咁
我地三個「男女男」咁坐
大家都累到冇乜點出聲
但一出聲, 我就柒左......

話說我地經過一條街o個陣
Louis好似望到一d野咁, 然後唉左一聲
阿Jess好快就知乜事
「係咪望到間公司, 諗起d唔開心o既野呀 」
跟住Louis就講佢o個幾年o既苦況
見到阿Jess好似好關心佢
心中少不免一陣葡萄
於是諗住鼓勵Louis為名, show off自己為實......

「其實你都唔駛咁唔開心丫 凡事要一步一步咁黎 好似以前有個人,
叫做木下藤吉郎, 佢本身只不過係一個平民咋嘛 奮鬥左幾十年終於統一左日本
佢就係後黎o既... 」
「羽柴秀吉 之後仲改埋名做豐臣秀吉添, 可 」
頂, 我竟然唔記得同阿Jess講過 仲要記得咁清楚
「好心你啦 成日用埋同一個例子, 悶唔悶架 」
「咩呀, 人地可能未聽過呢 」
「你識d唔識d, 盞教壞人姐 」
「邊個話我唔識 」
「o個次叫你講多d 講左三分鐘我都係一頭霧水 返去查wiki先明咋陰公 」
「好囉喎...... 你今日串夠未呀 」















「你地感情幾好丫...... 」
我再一次見到Louis o個個無奈o既笑容
「你咪誤會呀 我唔想佢教壞你咋 」
「唔係丫, 佢個例子幾好呀...... 不過都要織田信長睇得起佢,
加埋之後本能寺之變信長死左, 秀吉先會有咁o既機會...... 」
「原來你都知架 但係我都係覺得...... ...... ...... 」
o個一刻我發覺自己講唔到落去
同Louis比, 我真係......

o個餐面我食得好無心機
雖然我盡量扮到冇乜野
但係見到佢地兩個時不時講野
我就搭唔到嘴咁
心入面好灰好灰
佢地聊我講野, 我都係一句起兩句止
原本以為今日係咁先架啦
點知當我食到一半o個陣, 阿Jess就話:
「Louis呀 今晚我要趕住返屋企, 不如你陪我返去拎野丫...... 」
咁快就走
「但係你個fd未食完喎」
「你唔好怪佢啦 佢冇胃口o個陣係食得慢d架啦......
佢應該唔食架啦, 係咪呀, 阿俊 」
阿俊










頂你今日淨係叫我低b俊
而家終於當返我係個人
「你唔食o既話就陪我地一齊走啦 我都冇乜點同你傾... 」
你有野同我傾
梗係即刻點頭應佢啦

之後我地三個人坐車返去hotel
Louis本來話要送阿Jess走
但係阿Jess話唔想佢辛苦
(點解阿Jess成日為佢著想 )
話我送佢送到慣哂喎
唔爭在送多一次
於是而家就淨返我地兩個人
我諗你地都覺得, 咦係時候表白喎
講就咁講......





唔通當住地鐵乘客面前表白咩
唯有講其他野啦
講講下就問佢過去半年讀緊邊間學校
先知道原來佢已經返左半年工
一路問落去, 仲知道佢係英國出世o既
真係好震驚, 同我之前諗o既完全唔同o既
我地講左唔係好耐
可能大家始終有d隔膜
都係一句起兩句止, 好快又靜左
但係過左兩分鐘後, 佢話......
「今日...... 」
「唔 」
「今日我係咪過左火位呀 」
「er, 你講邊樣先...... shopping定係...... 」
「我好似串得你太多 」
本來好想講句「你終於都發覺啦 」
但係望住佢個有少少歉意o既樣............
我即刻擰埋一面
因為feel到自己面紅.....
「sorry呀 我係咪激嬲左你 」
「其實唔係o既...... 」
「當我仲以為你同以前一樣, 所以先咁過火...... 」
「唔......」
我想答唔係
但我過唔到自己o個關
似乎有d野我真係變左
但我又講唔出係乜

話咁快就落車啦
佢話佢住返以前附近喎
所以我選擇左同佢慢慢行返去
行下行下, 開始冇咁多人 (我o個區算幾靜 )
愈靜, 我心入面o既掙扎就愈大......
我開始諗o個樣野
攬住佢, 然後同佢表白
同佢表白之後先攬實佢
定係等下次先
但係會唔會冇下次架
















忽然佢踏前一大步, 去到我面前
「阿俊, 你合埋眼丫 」
「下 乜事 」
「你合埋眼先啦 」
「好...... 」
我乖乖地合埋眼......
似乎有d野發生
不過通常呢個情況下冇好野
但係又好耐都冇動靜喎
唔通又搵手袋扑頭
但係佢今日得個喼咋喎
唔通要踩我隻腳
但係今日我對鞋夠厚, 應該冇咁痛......
















「嘩 」
佢竟然搣我耳仔
「你唔係以為我會錫你呀下 」
「冇呀冇呀 」我都估到冇好野架啦
「咁點解塊面咁紅 」
「生理反應丫嘛 我都控制唔到 」
「姐係有啦 」
「你姐係打橫黎講姐...... 」




「哼 」
佢終於肯鬆手啦, 痛死我啦
「呢d叫小懲大戒呀, 低b俊...... 你知唔知你今日好戇居 」
「係...... 」唉, 明明十五分鐘之前都仲係好善解人意架
「不過有Louis o係度, 我知你諗乜o既...... 」
「真係 」
「佢咁犀利, 你梗係自愧不如啦 」
「...... 」
「我就話唔mind你咁蠢姐 但係下次有其他人就唔可以咁樣衰, 知唔知 」
「係...... 」似足見訓導主任
等等 咩話 下次





於是o係我未反應得切o既時候
佢就一支箭咁衝上樓啦
而我就呆左一陣
之後先慢慢返屋企
唉 我好似on 咁又一次浪費左個chance
 

-------------

至到七月十八號．．．

呢一晚, 我o既msn上面出現左一個好陌生o既名
但係, 當我同佢傾左兩句之後
我就知道佢係Louis......

講左幾句之後
佢就問我想唔想聽一個由頭到尾
大概係半年o既故仔
半年








我好快就估到佢要講咩
「你信唔信緣份架」
我唔知, 但我冇答
「本來我唔信, 但係o個日我係公司樓下間餐廳撞到佢...」
我知道佢要講o既係阿Jess......
但我仍然冇講任何野
我淨係想靜靜地聽
「其實, 當我安排左幾次巧遇之後, 我就應該明白, 自己係冇可能
只不過, 當我諗住就黎要失敗o個陣, 個天比左一次機會我
我一直未試過o係一個女仔面前表現得咁狼狽
但係就係因為咁, 我同阿Jess開始左......

雖然我地從來冇正式成為一對情侶
但佢o個種溫柔體貼
係我以前o既女朋友比唔到我o既
而我亦都慢慢認定
佢會係陪伴我一生o既人

只不過天意弄人......
當我同佢表白之後
我就知道, 佢要離開英國

我唔甘心, 我決定返黎
我要清楚你究竟係一個乜野o既人
點解可以令佢一直都唔放棄o個條手繩......

o個晚我好唔甘心
我諗唔明, 完完全全諗唔明
但係呢幾日, 佢帶左我去見佢d fd
我終於明白, 我同你o既分別

但我唔會話比你聽係乜
我同你講呢個故仔
係因為我知道自己搶唔贏你
我希望你可以比佢幸福
我唔同你講個原因
係因為, 如果你咁都諗唔到
你就唔值得再同佢一齊

我知你會好憎我
我都係一樣咁憎你
但我知道, 只有咁做先可以令佢開心
冇錯, 我就係咁傻」










腦中浮現o既, 係佢無奈o既笑容......
 

-----------------

請睇返最上果個日誌