自從2008年既9月3日開始

我就要去英國讀書

真係新既開始

問我掛唔掛住啲朋友?

當然掛啦

但係我都係掛住澳門啲野食多啲

好喇, 講返係英國哥筆先

我初初去到英國既時候又冇朋友

英文又唔係好識

日日好似個啞人咁企左係到

以前既我同人傾計既時候啲人會覺得好神奇

講都咁樣係都估到我真係一粒聲都唔出既啞人

不過好彩,

第一日識左個菲律賓仔Angelo

佢都幾nice

不過衰在佢成日睇埋晒啲唔健康既野

直到而家佢係學校都成日同其他人分享

不過上堂要靠佢

冇辨法啦.......

聖誕節既時候就返左澳門

返左三個星期

日日同啲同舊同學玩

影下相

其實都冇咩可以講....

不過唔知點解返嚟英國既時候特別傷感

返左嚟英國之後就有個新同學

呀Sam仔

又係菲律賓仔

佢又係跟哥個Angelo

一樣都係成日睇埋晒哥啲唔健康既野

不過都係哥句啦

上堂既時候Angelo幫到我就忍下啦

我初初都係咁諗

但係後嚟發覺

原來Sam仔都幾nice

都幾好人呀.....

直到而家就超friend

我諗大慨三至四月既時候

我就開始主動搵啲女仔傾下計

玩下咁啦

其實係有個friend叫我幫佢追女仔

我就係到諗....

反正我平時又冇野做

又識多啲朋友

又唔洗比哥個friend鬧

一石三鳥添啦

就係咁就開始左同啲女仔玩喇

其中有四個女仔我超friend既

都幾靚下....

比過啲相人地睇

啲人都話佢地好靚

不過我英文程度差

唔係太識同佢地溝通

一個月之後我地就散左喇......

之後我就回復正常

日日企係到呆下呆下都唔知做乜好

不過我係msn有時都會同佢地傾下計

但係返到學校我地say個hi就算

六月既時候個head of year 8同我講會有個同我同年既中國女仔(婷婷)嚟我地學校

我聽到呢個消息就超開心

之後就通過某種方法得到左佢個msn

暑假既時候我都係留係屋企打機

冇咩好講

直接跳到去新既學期

好喇, 新既學期開始喇

我見到婷婷就超開心囉

仲有晴晴同婷婷係同屋住

晴晴係英國出世

我唔記得左講佢哥啲野

不過之前都同佢都唔熟

廢事講啦

不過而家唔同喇,

而家日日都同佢地傾下閒計

不知幾開心

從始之後我就中意左返學喇