星期四..好熱!
熱到企係度等車都出汗
返到去做gym 都唔算做
跑步 跑左9分鐘 就去試爆 3分鐘得650米到
重型器械玩得果一陣 跟住去左邊呢
就係去左同阿lo 打網球 好熱..熱到想暈
雖然只可打半小時 但已經可以攞我命
做左陣gym 就去射籃球 又係曬..
5點先走人 沖涼洗頭 正!
葵芳食牛雜 魚蛋 牛肉球 冷麵 +凍朱古力
跟住就返屋企

好野..分享

唐詩版《廿八大王與友謫仙記》

少年廊間嘗蹴鞠，廿八大王猛如神，
友仲一踢流星閃，竟擊龍紋赤膊身。
莽漢一聲如虎吼，怒問可知吾誰人？
大王心良唯護友，反唇相稽不惜身。
六煞突現一口問，乙兄何事殺氣生？
莽漢一聲誰家處？大王響號惹笑人。

廿八大王無人知，大王面色灰如屍，
葬漢本名神仙乙，其名大王素所閱。
助友之心頓雲消，徒使神仙志氣高，
人響號時汝響號，汝響號時無所唬！
廿八大王本名俊，俊於何處凡數詢，
可憐大王無處俊，禍及家母逆天倫！
垂怒但求一明路，詎料又惹神仙怒，
一擊踢股急飛走，大王與友落荒逃。

http://forum2.hkgolden.com/view.asp?message=1261346&page=3

冇打咁耐日記 但傻強兄弟就成日keep住黎 哈哈 搵d打下啦
前排星期2 同阿貓去左旺角 新世紀 睇呢個新變型俠醫..!極力推介 正!
等緊will smith 街頭超人同埋赤壁!
呢期星期2 4就返ive 做gym 2粒鐘  爽

講返今日~~同天賜+佢條女去荃灣 係咁行..
發現荃新天地間大眾好多beyond既舊碟..等我..ok?
行左好多廣場/商場 3點50分去左等嘉樂冰廳
老老實實 真係成日聽呢間好食..等左半粒鐘
終於有位入 我叫鮮牛蛋治 凍tea 好大舊蛋+_+..凍tea有tea味..好食到想嗌出黎
天賜叫碎牛蛋治 同佢換一件試 都唔差 佢條女鳳凰奶糊 好滑 淡淡地甜甜地咁 !
老水豆腐 味道正 +埋豆瓣醬 5蚊件真係抵到爛!

食完 周圍行 去左金星= =一人十蚊玩d傻仔game..
有小小浪費.3必買左件t= =
最後就躝去龍記食飯..驚見 小強..
叫左通菜雞柳.椒鹽魷魚.咸蛋肉餅.咕嚕肉 唔洗多講
食到9點鐘就走左..同天賜怒火中燒..
去埋愉景..再去荃豐 地鐵葵興
坐呢程地鐵有好大得著.. 哈哈 有搭既就會知!
行返上葵盛 今日告一段落 聽日 gym day+_+

6月18
9點起身 汁野 11點同杰 財 天賜食野~!
12點幾去搭mtr 出碼頭 會合佢地
肥牛第2日先黎 lo子夜晚入..咁就得返5條友
慢船入長州 對東堤 隔離東堤新村 d夜貓叫得恐怖!
去到 屌左一聲 分2邊房 一邊 2間房 7條友一間房
仲要雙人床 點訓 哈哈 !
玩下uno 跟住分房食 對面還對面 我地去左餐廳食
都唔係太差..價錢接受到  跟住返去玩game飲酒
飲左3-4罐 跟住抖下= =打下麻雀
5點半同阿維 m巾 nicole去跑步 著拖鞋跑 = =睇日出 好靚呀
跑完返黎訓
6月19
訓左3粒鐘 讓位比人訓喇 我就打左陣麻雀
跟住同m巾 阿威 lo子出去行 食下野
跟住出灘玩 除埋3 曬 但真係好熱..比佢地話似肌肉叮噹 哈哈
決定叫lo子拎哂d貴重野走 我地3個去衝浪
真係好正 但成條褲都係沙 玩到2點 沖身 返去 換褲 出去接肥牛
跟住同阿維訓左2粒鐘 5點半起身 聽到d女仔話太悶 今晚走= =
冇計 對面還對面玩咁 分兩堆 最後得我地堆同女仔玩
同m巾買波 跟住落沙灘 天意弄人 玩完3人4足同數字球已經落雨
唯有入房 洗地汁垃圾 坐地下玩 玩game 開口中 killer果d
玩到十點 買m記外賣食 好飽
我地房玩 15 20 包剪泵 大話色 幸運色 鬥大細 既猜皇帝 哈哈
我做左幾次皇帝 玩左好耐呀 3點先收皮 入房 7男1女傾計
6月20
傾通頂 5點幾佢訓覺 我地係廳訓 佢地訓哂我7點先入睡
係咁嘈醒我= =叫我食西瓜 最後等nicole醒 我先訓佢個位..
9點半訓 十點就起..11點走 我地3個玩完水 背隻超痛..超傷
去食麵 幾好食 跟住全班搭船走 影左好多相
5女4男搭地鐵 返到屋企 梳洗完即訓 訓左6粒鐘
仲係好累 = =

今日生日..日頭都係咁過 收左幾多sms咁
下午4點幾 出去join謙~好大雨..
震西黎埋..仲有丸...送埋禮物比我 haha
丸走左 得返3個出mk 轉車入土瓜灣
但已經好大風大雨= =近海..
去到牛棚..已經見到海報 好靚
入到去睇睇下結他 3個一齊發現張繼聰
影相 睇野 留言 夾埋都2粒鐘..出到已經好撚大雨
拎遮都仆街 又大風 成身濕哂!
入到去 吉之島 諗住醫肚 點之成袋 百2蚊
去碼頭食 食風食雨 跟住出mk 行.
最後係冬甩店 飲凍朱力 正 震西冇介紹錯!
跟住搭地鐵回家喇! 生日咁就過完..幾無聊
但都做左想做既野 就係睇家駒展!