今日係11月21號  星期一  好天超凍

　　今日，星期一，又係一星期既開始，又係唔開心既開始，因為又要返一間我唔想返既學校。＞＜。唔知點解到左咁耐，都未能夠接受間學校。一朝早，凍冰冰，真係唔想起身。如果我呀媽可以比我唔返學既，我就一定唔返，因為返到去真係好慘，返到去好似唔知點咁。行又唔係企又唔係，都唔知自己想點，以前係羅中話行就行坐就坐架啦，依加好似寄人籬下咁好慘。今日早會，我個校長又講左一句我入左黎三個月，差唔多日日講既野，就係：為左保持我地學校二十年黎既優勢傳統，所以．．．．．．依句野講完之後，就唱個首好好聽既歌，首歌叫勇往直前跑，日日都有三條友係一樓到唱ｌｉｖｅ，真係好頂佢地唔順。之後上返班房，收功課。跟住上堂，上堂個時上到我好鬼眼訓，勁想訓，不過好彩我撐到小息，小息就係咁訓。上化學堂，係咁傾計，因為上到我好悶。到左中史堂，個個ｍｉｓｓ朱遲放左我地１５分鐘，所以返到屋企以經搭九，食野食到我勁趕，又要執野，又要食野，又要飲野，真係好忙。返到去，先記得ｍｉｓｓ莫叫我地搭１０返學校開會，遲哂大到，心諗一定比人鬧，好彩我返到去兜得好，佢冇鬧我，佢仲比左兩個位比我簡，問我唱歌抑或做司儀，我緊係話做司儀啦，唱歌我點識唱呀。不過做司儀都好，因為照紙讀唔洗諗，超正。跟住上ＥＰＡ堂，當ｍｉｓｓ點緊名，聽到出面ｄ人電話響，起初都冇事，之後有人係到講，搞到我地放學要搜書包，好彩我ｌｕｎｃｈ個時放左部ｍｐ３係張床到，走個陣唔記得左拎，好彩。如果唔係今晚聽咩。放學之後去左ｈａｌｌ到打波，打到五點３到，就返屋企。

今日打住咁多先，聽日再打啦，聽日見∼∼