今日係8月22號  星期一  陰陰天

　　今朝，我呀媽一早就出左去，我以為我可以好好地咁訓啦，點知佢無ｌａｌａ打左好多次返黎，嘈醒我，要我聽電話，頂佢唔順，跟住我ｅ媽又打左黎幾次，次次打親黎都問我呀媽係邊，佢地兩個都唔知係咪係到玩野，嘈醒人又叫左我出去買校服。原來彩虹天主教個件體育衫勁７，差ｄ唔想買，著左連自己都影衰埋，真係都唔知邊個設計既，設計到咁樣，影衰自己學校就好啦，唔好影衰埋ｄ學生嘛。

　　下畫就出左去配眼鏡，我見到有副眼鏡勁型，好想買，但係我呀媽唔肯買，佢話好易o難所以簡左副冇咁靚，不過都唔錯，係最新款，咁就買左。之後去左九龍公園練水，練到我隻手傷左，勁痛，勁住我就走先。之後我去左買新書包，買左個ａｄｉｄａｓ（唔知有冇串錯），三百幾蚊，好彩唔洗自己比，因為我呀媽係我格黎，佢比哂 。

　　之後，返左屋企養傷，隻手真係好痛，唔知９月４號比唔比到賽，好驚，好驚ｗｉｎ左個杯唔知點樣分比你地飲水，淨係諗ｅ　ｄ野都諗到煩死人。

　　真係好想快ｄ拎到副新眼鏡，好想快ｄ帶，ｅ＋諗起都開心。仲好想快ｄ返學，用新書包。

　　聽日又要晨咁早起身喇，我都唔知自己係咪放緊暑假，日日都好似返學個時咁早起身，日日都生不如死，我呀媽真係想累死我，佢好衰 。