今日係8月26號  星期五  陰陰天

　　今朝係訓得最好，冇人嘈住哂，一訓訓到１１點幾，真係開心，勁精神。不過起左身冇幾耐我呀媽就返左黎，惡夢又開始，佢係到煩，又話間屋咁亂就執下去啦，淨係識得坐係到，又唔做野。跟住我咪死死氣咁去執野ｌｏ，佢真係好鬼煩，出左街都要打返黎問我係咪做緊野，好心佢啦，我都咁大個人啦，自己識照顧自己喇，唔好再咁煩啦！！！差唔多兩點，雪條打黎叫我即刻落去拎筆記，佢好似好趕咁，搞到我都趕埋，真係趕死我，拎完之後又要等呀楊敏儀，點知等等下，落雨，佢ｅ＋先黎到，返到屋企濕哂，唉．．．．．．真係黑仔。跟住去左飲茶，飲完茶就返左屋企打機，又有得打機喇，真係開心。點知打打下機，再睇下個鐘４點９，都唔記得左自己５點要練波，又勁趕跑去運動場，差ｄ抽筋。