今日係11月13號  星期日  好天

　　今日足足比人哦左我成日，我好唔開心，我係依加時候你唔係我身邊，我覺得好孤獨，我唔知點算好＞＜你可唔可以有多ｄ時間陪我呀，我每日都好想話你知我今日發生過咩事，但係我又怕煩住你。

今日係11月12號  星期六  好天

　　今日，一起身就比人係到哦，我都唔知佢地想點，我呀爸問我，你今次測成點，我話唔係咁好，跟住佢問我以後點呀，我話讀返好ｄ，跟住佢同我講，你次次都係咁講，你講左好多次，之後我心諗，唔係你想我點答呀，唔通話比佢聽你唔好講啦，我自己識諗，不過，我又唔會咁樣同佢講野，因為隨時比人打。好彩我一直冇乜出聲，等佢講，廢事講多錯多。之後落左去飲茶。跟住我細佬１１點半要補習，所以我同我呀媽我細佬，返上屋企先，我呀爸佢就繼續係到飲。岩岩我補完習返黎，我呀媽就係到嘈嘈嘈，嘈我，我都唔知佢做咩，日日都係咁哦我。真係好想離家出走。

　　　　　　　　　　　　　始終都係你最好。

　　　　　　　　　※你是我將來　不捨不棄，每一明天愛著你※

　　今日，終於到左星期五，聽日又唔洗返學，好開心，不過今日家長日，但係我一ｄ都唔驚。

今日係11月10號  星期四  好天

　　今日，咪又係唔想返學，都唔知點解，覺得返學好煩，ｄ　ｍｉｓｓ又煩，ｄ同學又煩。我都唔識點樣對佢地好，對佢地好，我驚比佢地以為我好好蝦，對佢地差，又驚我會冇朋友，都唔知點算好。

今日係11月9號  星期三  好天

　　今日，咪又係唔想返學，都唔知點解愈黎愈憎間學校，覺得ｄMiss好煩。返左學之後，返到屋企一個人都冇，感覺好ｆｒｅｅ。但係又好似悶左ｄ，跟住覺得唔係好舒服，訓左一陣，之後有一個不知名既女仔打黎震醒左。佢又唔知我係邊個，我又唔知佢係邊個，超無奈。