今日我依然都要返工，通常星期六都係一味hea住過，有時我都覺得星期六返黎做咩ar?現階段做緊學徒就話有得聽下師傅教野，不過今日師傅都冇教野，因為今日就要幫公司接返黎既一部UPS做維修既!

向來我係電話系統比UPS認識熟好多，因為我個人認為UPS既概念好難明，電話系統好易上手!唉!我只係覺得呢一門手藝麻煩野多多，例如係安裝系統之前，我要做放線，放線既意思係指將一個範圍帶好哂d線路，呢個工序有咩麻煩呢?麻煩在要同工人鬥快。

一個工程同時有幾班人一齊做野，第一係老闆(即戶主)、裝修公司(工作是間房、油漆、假天花)、水電組(工作是廁所設備、廚房/茶水間、電制及燈)、冷氣公司(一般冷氣及風箱/風嘈)、防盜公司(警鐘、閘萬、cctv閉路電視)、鋁窗公司、電話公司或電話及上網公司(街線及上網，即pccw、新九倉、新世界...)、電話系統公司(即我做緊個行)、電腦系統(即係例如SAMSUNG、IBM公司，做組裝電腦)、電腦伺服器公司(server、hub..)、傢俱公司、消防設備公司

有時候，場地細，好難去set位!我做呢行就真係夾係中間，交課要交足，但係要同裝修個邊夾，唉!如果裝修佬好好傾既，佢會幫你諗計幫你方便拉線走位，幸好我未遇到臭皮氣既裝修佬，講真有可能需要一d人士關係幫忙。

做呢行睇到好多野，裝修佬點解會咁多紋身?原因係就算有冇背景人士，唔睇得都嚇得下，據同行人士稱，咁多各樣行業係相同地方出現，難免會有爭吵既情況，如果有紋身，對於其他人黎講，佢未必敢對你唔客氣!當然如果對方識睇紋身，又有江湖戰史，識睇既人就會分到!