尋晚，我同細佬加阿優一齊去左科學園玩夜車，咁我同細佬都係好快咁完成每一個圈，咁我地都玩得幾開心，同時我地都見到devil's既賓佬，咁我都覺得好開心，因為我覺得賓佬真係幾好人，唔似博士個d咁，即係比我感覺佢係係到擺款，有人支持佢既devil's team...

另外呢，我地好耐冇去沙田圍天湖個到食糖水，咁阿優尋晚一路大叫話要食葫頭西米露，爆笑既係...天湖無貨!哈哈...我同細佬指住佢黎笑左勁耐!

尋日我地三條友出黎玩，咁係回程玩呢個極速回家，咁當然我細佬同阿優係追唔到我，我放細佬放左成分鐘...不過我知道我細佬係已經盡左力，我唔會話佢咩既...但係阿優真係比我感覺係未盡力，講真我唔信一架大車係慢成咁...

之後我地行大窩西返屋企個時，阿優突然間係和合石火葬場入口處爆餅，有幸佢未有發生意外...咁我地見佢架車係左餅臂接管口爆裂!之後佢只可以係我同細佬護送之下...以單邊餅完成回家既路線!阿優爆笑既動作令我同細佬爆笑...

現在此提醒各位使用Shimano Ultergra 6600及Ultergra SL 6700既用家，若用超過半年或以上，請檢查你的單車運作是正常，由其是左餅臂接中空餅管既位置

尋日，我陪下阿權去左山車堂改餅...唉!佢隻58餅真係無福消受，咁我自己本身仲有隻舊底既55T dura ace，咁暫時咪過住比佢架車用住先囉...

落到去山車堂，見到dee哥，dee哥比以前係瘦左，或者工作真係折磨人!香港打工，只會有「做死」同埋「繼續做」既分別，即係無分別!我講呢個話題，可能大家都會唔明白!「做死」既意思即係返工既薪金唔係心目中咁理想，時間唔理想，又或者係工作量同薪金比例係唔相符...「繼續做」係因為家陣香港搵工實在很吃力，轉工唔係話轉就轉，咁...咪又係「做死」?

無意中，阿聰見到我架車有d問題，原來係我自己係洗車之後出現既問題，拆左前轆...到裝返既時候倒轉左方向!大家可能會問，前鈴邊到有分方向架?有!因為條胎...我用馬牌胎就有啦!

唉!比班車友笑到轆地...抵既!自己架車都唔知自己發生咩問題!抵罵的!

咁當然而家如夢初醒啦!感覺良好!

不過呢，尋日見到四哥又真係有d火既，衰仔成日都面青口唇白，好似出精過度咁...陰公一個10多歲既細路好似粉強咁，其實唔係一個好現象，因為四哥身子真係偏差，即係比我感覺係有點營養不良，但唔係呀...佢屋企都唔係環境差，一定唔係營養不足既問題...

四哥成日瘦柴咁款，咁係同佢既生活習慣有關既，成日都好夜訓，咁邊到會長肉呢?

好高興尋晚收到個天大既喜訊，INFINITY CYCLING CLUB終於係尋日由幹事大古力收到批文同牌照，我好開心!