o尼篇係週記，
所以比較長，
如果嫌浪費時間o既話，
可以真接跳去最後一句。
今日係星期六，
即係週末，
我要作一個一週o既總結！
首先由仲有少少記憶o既星期一開始講起，
星期一係聖誕聯歡會，
首先去禮堂睇左幾粒鐘麻麻地好睇o既show，
然後返班房開p！
真金白銀比左大拿拿二十蚊出黎，
梗係要食盡佢o拉！
之後玩遊戲，
唔好玩．．．
「大風吹，鐘意林峰o既走！」
得曾虹走．．．
林峰o甘靚仔，
得曾虹鐘意o乍？
然後抽獎，
我抽到冼sir盒金莎，
返到屋企比阿哥食晒！
不過都要多謝冼sir！
星期二係旅行日，
我地組o既導師係叫癲佬，
一開始就煮飯仔，
我同虹虹一齊煎雞翼，
虹虹煮野超掂！
不過我有d雞手鴨腳．．．
d老師個個都想食我地組d野食，
mr.L猛o甘o曹！
食完就搵英文字，
我係o甘爬山，
但係一個字都搵唔到！
身水身汗仲要比d不知名痴身痴世植物痴到成身都係！
嗚．．．
我地組有三個獎，
意料之外∼（呵呵）
星期三，
係the worst day！
唔知係咪d雞翼雞蛋公仔麵唔乾淨，
整到我嘔左幾次！
好辛苦牙！
星期四去左西環，
行左成條街都係賣海味o既永樂街，
仲有行左皇后大道西，
然後仲有唔知乜街乜街，
總之行左成日，
行埋對面海o既ifc
成個上環定唔知西環我都行晒！
仲食左大家樂同麥當勞，
唔肥都幾難，
哈哈！
我仲見到有條路勁勁勁勁勁斜！
要用五個勁黎形容o既路，
可想而知有幾斜！
但係竟然o甘斜都有車行o番！
人行都喘氣o拉！
車想行？
真係好易碌返落去！
夜晚打邊爐，
飽飽！
星期五，
去左冬日美食嘉年華，
超逼，
完全唔洗行，
靠人群推你行架！
未入去之前買左四支富豪雪糕車o既雪糕食，
一人一支，
超滑超好食！
不過四支就廿八蚊o勒！
十蚊一張入場券，
我一家就四十蚊，
仲要打蛇餅排晒勁長o既隊買飛！
之後o係入面逼到唔想行！
入左去一陣就出返黎！
買左少少超貴o既野食醫肚，
之後轉戰工展會！
你估我地點去呢？
搭叮叮？
搭巴士？
搭的士？
發夢！
行路牙！
你知唔知由會展去工展會有幾遠牙？
我地馬不停蹄行左足足五十分鐘牙！
我mummy先慘，
著住高跟鞋行，
所以佢鬧到我阿爸狗血淋頭！
工展會又係十蚊一張入場券，
我地一家又四十蚊，
加埋美食嘉年華就八十蚊o剌！
入去買左唔係太多野，
試食都唔係試左太多，
去某攤位買左一人一個砵仔糕，
一共十六蚊，
味道麻麻，
之後又買左廿蚊一盒XO醬炒魷魚鬚，
好食到講唔到野！
你地下次去工展會記得一定一定要試！
星期五洗左超多錢！
去完工展會仲去屋企樓下間銀龍食飯，
一百零八蚊埋單，
嚇死人！
你地o尼個禮拜去邊黎牙？
記得留個cm講比我知牙！
o係度補番一句：
Merry Christmas！！