二月三號身體檢查之後去配左副眼鏡，
今日就去拎番副眼鏡，
近視加深真係慘、慘、慘！
都係講番尋日d野開心d！
尋日，
我地組去左東華三院文物館，
（係我最理想o既博物館牙，o甘o岩抽中左，真係幸福）
去到之後，
叫個管理員幫我地影大合照，
其實我覺得個管理員真係冇野好做，
佢份人工真係o吾難逗！
文物館有陣好大o既木味同香味，
真係聞多幾分鐘都會暈！
於是我都係求求其其入去望左幾眼，
然後大部分時間都o係出面睇野，
真係難為我d組員！
o可o可！
本來館內o吾比影相，
但係曾虹為左o吾洗手抄d資料，
就偷偷地影，
我就幫佢睇水，
有次比個管理員睇到，
但都冇鬧，
於是曾虹就肆無忌憚o甘影lu！
搞完一輪，
三時幾就搞掂左！
之後我地就o係文物館出面玩，
我地六個人分成兩組玩「o吾係牙麻，o甘鬼易」，
輸左o既人就會累埋自己o個組，
要成組一齊圍住個花園跑，
而跑得最慢o既人就要跑多圈！
差o吾多次次都係我地組輸，
所以我地次次都要跑，
由於我最近個門口，
所以就未包尾過，
真係奸！
哈哈！
然後又玩輪住接故仔，
當響鬧鐘o既時候，
邊個接緊就邊個罰，
罰o羊o尼？
罰打手板！
罰o既人永遠都係我、楠仔同王熒，
真係不幸！！
隻手好痛牙！
玩完遊戲之後，
楠仔走先，
王熒就有佢個廿四孝男友黎接佢行街街，
我、joyce、曾虹同鄧瑞ling就去左旺角！
我真係極度o吾願意去朗豪坊，
所以我冇帶路，
由得曾虹撞，
不過最後都比佢撞中左．．．
之後入到去，
佢地又話要去搭通天電梯，
嘩！
我先o吾制！
佢地就自己去搭，
我就自己去搭lift！
點知o個層架lift原來o吾搭得架！
「此升降機不通本層」喎！
之後索性連lift都o吾搭，
逐層逐層去搭電梯，
激死！
搞到勁躁！
然後o係無印搵番佢地，
我o係無印買左一個筆刨，
到而家都o吾知點先可以倒筆碎，
o吾通拆羅C？
曾虹買左支無印奶茶，
話好淡喎！
之後去左麥當勞，
買左個新地，
佢地就一人一盒雞翼，
之後就搭車番屋企，
番到屋企都六點半！
今日，
就猛o甘研究個無印筆刨同做project，
o矣．．．
究竟有冇人知個筆刨點倒筆碎架？！