尋日，
我喊，
轟轟烈烈咁喊，
事緣係咁�H…
我家政咕𠱸後面塊布細過前面好多，
我好唔開心，
成日乸埋口面，
於是我阿娘就話幫我聯。
阿娘聯緊期間，
好多野講：
「你真係精牙！
邊有人可以剪到塊布前後唔對架？
學校d布又唔洗你比錢，
你剪大d都唔怕死喇！
最抵死就係唔啱仲要聯，
依家唔啱大細，
幾靚都冇用啦！」
如是者，
聯一針嘈三句，
我已經好煩、好煩，
又要諗下點先可以彌補，
仲要比你鬧，
於是d眼淚一滴一滴咁流落黎，
估唔到喊都會比佢鬧，
佢話：
「你喊咩牙？
見到你個衰樣都飽喇！」
於是我返去房喊，
佢明知唔得仲要繼續聯，
又繼續鬧我，
阿爹頂唔順，
就話：
「佢得嗰幾歲點識牙？
你跌叻又唔幫佢？
唔得就唔好聯啦！
幫人聯又嘈嘈嘈，
係要搞到人喊！」
我諗都係算喇！
唔要嗰塊布囉大不了！
於是我出去搶返塊布，
剪左阿娘聯嗰條線，
我真係好心痛，
用左咁多心血，
都係白費心機……
我d眼淚又繼續滴，
停唔到．．．
今日，
我一起身就去石籬買布，
用左八蚊，
即刻動工，
終於整完！
P.S我�HEQ始終好低．．．
|
