聽日係畢業典禮,年年都冇獎攞的我應該又係坐足全埸
如無意外,聽晚會去六四燭光晚會
記得以前讀中史,都冇乜教過六四既野
所以我相信好多人都同我一樣,唔知六四既詳情,只略略知道係學生起天安門抗議然後被中方清場
因為對呢件事認識唔多,所以冇乜深感受係正常
如果大家唔去主動了解呢件事,中方既目的就好快達到了
一代一代咁淡忘,呢件事亦只變成歷史書入面既幾行字
係咪人地比幾多,就受幾多?
前幾日,有朋友強烈要求我去六四的燭光晚會,仲send左好多有關資料比我
見佢咁熱烈要求,就開黎睇下
睇完先知道,呢件係一件幾咁痛心既歷史悲劇
當時學生既意見,變成了反社會既陰謀
愛國知識份子變成了叛亂份子
下場係點?有幾多人犧牲了?有幾多家庭在六月四日破碎了?
用幾分鐘搵下就知
好多人話要平反六四
但我去燭光晚會目的並不在此
死者已矣,好多事在心中
就真平反了六四,亦不等於社會從此開放了
只要不麻木人心,真相至有人知曉
六四最重要係紀念當日既犧牲者,同象徵住歷史真相係唔會因時間而隱沒
要喜歡公義,喜歡真理 | 
