hihi~大家安安喲~唔好意思，咁遲先寫，係有原因架！（請睇下文）

我今日同媽咪、舊同學，同埋佢地既媽咪去左濕地公園玩呀！

首先，我地乘車去左天水圍飲下茶先，飲飽之後再去玩。

今日落雨，真係所謂既「濕地」喇！

我帶左相機去，影左好多相相呀，仲見到小鱷魚貝貝添！（當然有影佢既嘆樣啦！）

貝貝依家大條左好多呀！好可愛添！

仲睇左其他既小動物，分別有蟹、青蛙、魚毛仔…

返屋企乘車既時候我覺得好眼訓，所以我訓左一陣，但係個天仲係落緊雨。

今日雖然落雨，玩既心情冇咁好，但係見到咁多小動物，心情都變返好喇！

今個星期既當值真辛苦，嗚嗚每日都要6點幾起身呀！~

下星期一又係我喇~唔制喲都唔知點算好呢？

唉.....呢排聽書都冇乜留心，不過，升左個總領袖生，都要付出代價既~~~

呢排咁眼訓，當然最鍾意星期六、日既來臨啦！

因為可以訓耐d吖嘛~你地話係唔係?!