相信大家入得黎既，都係想８掛下呢個『 超輕型手機』。
無錯大家又比我呃左，我要介紹巴係呢部Za手機，
唔好意思，講錯左，係Za全新推出既真晳美白護膚乾濕粉先岩。



首先係到多謝BE抽中我試用Za 真晳美白護膚乾濕粉。
我第一次中BE試用呢，各位SIS唔洗灰心，努力出文，自然有人欣賞。



如圖所見，我係申請試用時，揀左No.22色，係中間色（自然色）。
因為未見過實物，得圖片色比我地揀，所以揀中間會安全d。


到個神奇令令粉餅盒，我一直以為成個盒都係鏡面，點知得面係鏡面。
而且個鏡面好易花，我只係拎出黎１次，放入去，再拎出黎，咁就花左少少 (好化學)。
不過，呢個粉餅盒有個好處，就係超輕(比我想像中輕好多)。


呢個Za 真晳美白護膚乾濕粉有咩用?
美白、遮毛孔、遮瑕、控油、防曬、透過折射光線既原理去修飾皮膚暗啞問題。
真伙一盒在手，百樣function在一身。

唔講住，化個妝先。(我平日唔化妝的，為左Za真係要化一化)

YSL foundation


M記 遮瑕


主角Za乾濕粉

經過我出街5小時，返到家中，照一照鏡，Za乾濕粉試用結果如下：
√ 妝容持久度高，5小時後都冇溶
√ 控油效果好
   我平日T字油易出油，但５個鐘後，冇油光滿面既情況出現
√ 可以有效修飾皮膚暗啞問題
   我自己上完粉，都覺得自己皮膚靚左
√ 可以做到自然透薄既效果
   因為我今日同男友出街，我問佢你知唔知我化左妝?
   佢話唔知，重話唔怪得今日覺得你d皮膚靚左咁。
   (平日搽BB Cream佢都會發現的)
× 唯一既缺點係: 遮瑕度不太高



小小分享，希望大家會支持我 =]　不要吝惜你既腳印