今日係年初一
不過琴日成晚都訓得唔係咁好
訓下醒下訓下醒下咁
無計....
大王下村同涌美村兩邊係咁放炮仗
真係好氣氛

起左身...
新一年第一件要做的事就係....
嘈醒我老豆同老母逗利是kakaka

早餐當然又係我負責
煎!年!糕!
記得之前阿婆同我講話食多d年糕就會「年年都高」
搞到我好鬼死鍾意食
可惜食黎食去都唔覺得有咩幫助

三點幾上左青梅樓拜年
同d親戚傾左陣就入左廚房幫阿婆手整餸
忙忙忙忙忙
搞掂哂出番黎已經成5點幾
無野做
比蔚然同蔚婷拉左去打麻雀
唔多識
一邊打一邊叫老母教
結果....當然係大贏家cccc
之後仲要比人笑我大蝦細
人家才是新手啊

七點幾齊人就開飯囉
十八個人一邊傾一邊食
勁開胃
三碗幾飯落肚都未覺飽

食完飯成班人係度睇電視
明珠台做《特務戇J》
雖然之前已經睇過
但唔知點解一齊睇時會覺得特別好笑
之後開左陣家族會議
11點左右就散水

忙左成日...番到去無幾耐就累到訓着了z"z