大年初二
今日都係要繼續忙
朝早七點比老母叫醒左
話陪佢去飲早茶o波
八點半番到黎再訓過
訓訓訓訓訓訓
中午十二點又起番身
不過呆兩呆又要出去再拜年

今日要上康平樓
o者係老豆果邊d人
不過
我就真係唔多同佢地熟
上到去佢地係度睇緊戲
睇真d.....《心想事成》?!?!
那不是才剛剛上畫的嗎=口="
睇下個盒
原來是係大陸買番黎的老翻.......汗
姑媽見我上到黎即刻走去煎左一埋年糕比我食
真係知我心....呵呵呵呵
不過除左係度睇戲之外都無乜野做
好錯有三隻貓喵比我摟下黎玩
發覺.....原來我係媾貓能手黎....wakakak
食下玩下到六點
比人拉左出荃灣幫手搬盤菜
嘩.....煲野真係重到阿媽都唔認得
跟據阿輝講該盤十二人用的盤菜應該有七至八斤重
我體重先係得果四十七公斤
真係囉命
搬到番康平已經得番半條人命
好彩d餸都唔洗我整
係度等食
其他親戚都陸陸逐逐番到黎
八點就開得飯囉
岩岩好電視直播放煙花
邊食邊睇
今年d豬鼻煙花同豬手煙花真係好得意
期待下年鼠年唔知又會有d咩新搞作呢?

到食完飯就係「陳氏賭坊」開張的時間
魚蟹蝦 大細 鋤大Dee 打馬吊.....
包羅萬有各式其色
我當然都要應下景玩番兩手
好彩都無輸無贏

玩左陣老母唔多舒服
於是陪佢走先
臨番到屋企無啦啦老母話想去許留山飲野
於是又行左去青衣城= =
同老母傾左唔少野
自從佢開左葵涌村間鋪之後
好耐都未試過有咁多時間可以一齊傾下
唸番起以前細個時
成日都想老母日日都去番工
最好成日都唔係屋企
咁就可以少個人管住哂
但係e家心願真係達成左啦
平日同佢見面的時間可能仲少過食一餐飯的時間
那麼
感覺真的會開心了嗎?
不....
所以話
人往往會在失去了後才懂得「珍惜」的真正意思
幸好
雖然遲了點
但現在我懂得了

去到許留山叫左兩杯「芒椰蘆薈爽」
次次去都鍾意叫e樣
因為真係幾好味

番到屋企
又累又眼訓
無等老豆同妹番黎就去左訓了