前兩日又無打日記啦∼因為仲病緊無咩心機打．．．依家都係病緊＝＝
對於有上黎睇日記既人講聲對唔住
前幾日睇左西醫都好似無咩用咁既∼
所以我同阿媽講不如轉睇中醫試下啦！！！
阿媽話好．．．不過怕我唔識睇唔怪得佢咁諗既．．．
我的確係未睇過一次中醫．．．真係一次都無＞＜咁佢帶我去都好過我自己去既∼
哈哈！！！無咁煩嘛∼
宜家阿媽仲訓緊一陣先去．．．唔知我既決定有無錯呢？？？
希望可以好得曬啦∼
一朝早起身之後,發現自己講唔到野= =
就知道自己唔舒服啦~
睇完醫生休息左半日,總算係好返d啦~起碼講到野先啦!!!
中午又要返學...
放學果時呢~
經過麵包店買左兩個蛋撻><
一過食一過諗起伍玉鏗之前話我食蛋撻太粗魯啦~
應該慢慢食架~今次我的確係慢慢咁食~
我發現左...其實追一個女仔...同食蛋撻都係一樣...都係應該慢慢黎架><
明顯我之前係太過急進啦~hehe~
算啦...無喟成日講起呢d事啦~
我又有一個問題想問下你地...到底我係一個點既人呢~
記得呢個問題姚隊長都有問過我佢係點既...
或者我開始明白點解佢要咁問啦...
如果你有睇到呢次日記既~希望你話我知我係咪同你諗同一樣野呀!!!
我係咁諗~
『當我成日認為自己已經可以睇到自己既壞處,咁我就係一個一d都唔理解自己既人啦~』
『你真係咁清楚咩~或者身邊既人比你更清楚呀!!!』
『當你以為無人可以入到你心中深處,無人會明白你,咁~入唔到去既正正就係你呀!!!』
就係因為咁我就咁問你地呢個問題囉^^
相信你地係可以答到我架@@
今日放學返到屋企之後,沖涼呀!!!換衫咁~
沖完涼,阿爸就返到黎~係佢放低左自己既隨身物品既時候,我見到佢眼濕濕咁呀~~
咁大個仔都好少見到佢咁架~除非真係好大件事啦~唔係既話都唔可能會咁架~
見到阿爸咁~總係覺得有事發生呀!!!總係覺得係阿爺有事咁~希望咩事都無啦!!!
千祈千祈唔好有事呀!!!唔好呀！！！
雖然阿爸到依家都仲未話我知咩事∼但係唔講唔等於我感覺唔到有事架！！！
好希望係我多心左呀！！！∼＞＜∼
唔怪得佢咁諗既．．．
千祈千祈唔好有事呀!!!唔好呀！！！