今日訓到好晏呀，都係訓下醒下，

五點幾就醒晒，咁就sms叫人起身，

其實我都係估估下，唔知係咪要六點嫁！

跟住就訓左陣，到七點十醒左，

原本應承左叫小叉起身(八點)，

咁見未夠鐘就合埋眼抖多陣，

點知就訓著左，到九點二先醒，

sor~唉！好彩佢自己起左身姐！

跟住我就繼續訓下醒下，

究竟幾時先俾我好好咁一覺訓天光呀？

到兩點度，娘親就打黎，

講唔夠兩句，佢又有電話，

咁我就等佢再覆我，

果段長長既時間我就去整下自己，

燙埋d衫、褲，整齊d好^^，

到三半佢打黎，咁我就出門口啦。

返到樓下，幫佢買完野，

就行返上樓，返到去傾左陣計，

我又去訓教教，好攰ar！

不過訓左陣又醒，細佬返黎啦！

佢去左幾日受訓，黑左又瘦左！

我一話佢黑左，佢超開心囉=.=

原本會出樂富嫁，不過娘親話我熱氣，

煲涼茶俾我飲，咁我地響佢煲既時間又去訓！

哈，爛訓豬是也！

最後都無出到去，不過落左河畔食飯，

好難食，點解呢排去親食野既地方都係咁嫁？！

食埋糖水就散場啦！

連續三日都食糖水^^，希望唔會增磅啦！

行返上黎果時，居然響火車站見到carmen全家！

無打招呼，大家當唔識啦！

佢居然會係第一個見到我依家個樣既人 omg！

跟住就繼續行返上去，唔知係咪行慣左，

好似比以前行快左！

返到去，姨又無返黎，無所謂啦，

還點都習慣了。

聽日要幫娘親俾野人，我自己又要俾野人。

朋友，你記住起身打俾我啦，

等我整好晒d野等你拎ar！thx

ps：好唔慣ar，有d唔開心，不過舊既唔去，新既又點會黎？！