今日唔駛返學，咁就訓到成點先起身！

正呀，好快就無得咁嘆啦！

實習等緊我啦，唉！

不過實習後又係一條好漢！^^

起身之後，就無停手咁整野。

到三點幾度，就開始整野食。

今次整曲奇餅，第一次整，

都算成功既，味道我都覺得ok！

入爐啦^^，好緊張呀，我好驚會整"窿"！

第一盤，失敗了！超"窿" ><

之後好彩有ada教我，先好d！

之後幾盤的製成品：

 呢d全部都可以食得嫁！好開心ar^^

今次一共整左24塊，有4塊棄了，有2塊我食左，

留左6塊俾屋企人，聽日會帶12塊返學，

希望有人肯做白老鼠試下啦！

整好晒d曲奇已經五點幾，

趕住返去買送煮飯，返到樓下六點鐘。

今晚煮左三個送，有細佬最鍾意既粟米魚，

仲有蒜容雞翼同灼雜瓜。

包左個飯盒，因為有飯送多。

係咁同小叉sms，講某人的事！

笑死我啦！我笑到肚都痛埋，

我諗如果我地用電話傾或面對面講，

我會笑到面容扭曲！哈哈！

洗埋晒d野，到十半我就返返過姨度，

返到去都十一點幾！

同小叉、baby講左陣電話，

玩左陣電腦就訓教教啦！