依家四點八，經過一輪既爭扎，

我終於做完份教案啦！

呢排實在太多事發生啦，

講真唔多唔少都會影響度，無乜心機做功課。

點解響final yr先咁玩我？！

我呢排真係好唔開心，好彩有你地支持我。

上天竟然俾我遇到個同JC有九成相似既人，

佢同JC一樣，有一個特質，小叉我諗你一定知道係乜野！

佢好識哄人，好小朋友，知我唔開心，唔想講，

又唔會迫我講，剩係會講好多野令到我笑，

呢個人就係親愛既仔仔^^，

雖然識佢唔耐，不過我覺得佢係一個可以信任既人。

呢幾日好多謝響身邊支持我、開解我既朋友，

名就唔多講啦，不過真係好多謝你地響我最唔開心既時候，

你地都肯放低自己既工作陪我傾計、sms、msn！

thx，呢 d就係真真正正既朋友，

佢地唔會出賣我，唔會切個局俾我踩，唔會係雙面人！

上天真係好公平，佢令我識到兩個新同學，

亦令我同一個朋友絕左交，我承認我有錯，

但並不是我錯晒，點解你地唔識去反省下，

點解人地會咁對你，真係只有人地錯？自己岩晒？

今日你同我絕交，無所謂，我只係想講，

如果唔再改下，繼續都係咁既話，你註定會失敗，

只會不停地重蹈覆轍，經一事長一智，

希望你地都會啦，我總算真真正正看清幾個人。

今次睇得好清、好楚，原來你俾個心人地，

換黎既就係俾人玩、利用、鬧、出氣袋，

我都係人黎嫁，我都有情緒嫁，你地唔開心就搵我黎鬧，

咁我唔開心咁點呀，學你地咁呀？

將d事事非非搬黎搬去好好玩咩？

記住唔好盡信聽返黎、睇返黎既野，要自己再去分析，

我相信你地明我講緊乜！

我開始不懂去面對眼前的一切，究竟想我點？

我唔知道我仲可以撐幾耐，我唔知我仲可以用幾耐時間笑住對你，

我更加唔知你係玩我？定係................

我唔知道，我更加唔想去知！我話過唔會同任何人搶野，

你地想要既就羅去啦，我唔會爭嫁，無咪無囉，

爭又有咩意思？爭贏左真係會開心d咩？

經過呢次，我會認認真真咁去識朋友，

同埋重新介定朋友響我心目中既定義。

如果可以，我真係好想攬住"你"痛痛快快喊一場，

將近排既野一次過發晒出黎，不過"你"又會幾時出現呢？

一次一次咁樣，你地仲想響我個心到留底幾多條傷痕呢？